Në kërkim për trafik lëndësh narkotike dhe grup kriminal, arrestohet 46-vjeçari në malin e Tomorrit

Një 46-vjeçar u lokalizua në malin e Tomorrit dhe u arrestua pasi ndaj tij ishte dhënë masa e sigurisë 'arrest në burg' për trafik lëndësh narkotike dhe pjesëmarrje në grup kriminal. 

Dorian Beu po lëvizte me automjet kur Forcat Operacinale në bashkëpunim me efektivët e policisë Durrës ndërhynë duke e arrestuar.

Njoftimi i policisë:

Operacione të njëpasnjëshme nga Drejtoria e Forcës së Posaçme Operacionale në DPPSh, për kapjen e shtetasve në kërkim.

Finalizohet operacioni policor i koduar “Operacionalja 60”. 

Lokalizohet në Malin e Tomorrit, kapet dhe vihet në pranga një i kërkuar, me masë sigurie “Arrest në burg”, caktuar nga GJKKO-ja.

Në vijim të operacioneve të njëpasnjëshme për kapjen e shtetasve të shpallur në kërkim, strukturat e Drejtorisë së Forcës së Posaçme Operacionale në DPPSh, në bashkëpunim me DVP Durrës, finalizuan operacionin policor të koduar “Operacionalja 60”.

Bazuar në informacionet e siguruara se në Malin e Tomorrit po qarkullonte me automjet, një shtetas i kërkuar për vepra penale në fushën e narkotikëve, të kryera në formën e organizatës kriminale, shërbimet e Drejtorisë së Forcës së Posaçme Operacionale lokalizuan, kapën dhe ndaluan shtetasin D. B., 46 vjeç, lindur dhe banues në Durrës.

Ky shtetas ishte shpallur në kërkim, pasi Gjykata e Shkallës së Parë Kundër Korrupsionit dhe Krimit të Organizuar, Tiranë, në vitin 2023, i ka caktuar masën e sigurisë  “Arrest në burg”, për veprat penale “Prodhimi dhe shitja e narkotikëve”, “Grupi i strukturuar kriminal” dhe “Kryerja e veprave kriminale nga grupi i strukturuar kriminal”. 

Nga ana e Seksionit për Hetimin e Narkotikëve pranë Drejtorisë Vendore të Policisë Durrës u bë ekzekutimi i masës së sigurisë “Arrest në burg”, dhe materialet procedurale iu referuan Prokurorisë së Posaçme Kundër Korrupsionit dhe Krimit të Organizuar, Tiranë, për hetime të mëtejshme.

Kush janë dy motrat që u shuan në Sarandë-Delvinë. Dalin pamjet e aksidentit të tmerrshëm

08:10 Kronika

Homazhe sot në Universitetin e Arteve për Artur Zhejin

07:40 Kronika

Baba i tre fëmijëve, 35-vjeçari që u përplas nga adoleshenti në Fier po lufton për jetën, në gjendje kome

21:20 Kronika 6 komente

Zjarr në Zharrëz të Fierit/ Përhapen flakët, rrezikohet pusi i naftës

20:46 Kronika

Itali/ Sherr mes anëtarëve të dy familjeve shqiptare, 5 persona të plagosur

20:13 Kronika 4 komente

Aksident i rëndë në Unzën e Re në Tiranë, dy makina përplasen ‘kokë më kokë

19:53 Kronika

Shpëtohet turist francez pranë Gjipesë në Himarë

18:40 Kronika 1 koment

Bisedat në Sky Ecc mes Çopjas dhe Çelës zbulojnë metodat e trafikimi

17:42 Kronika

Në kërkim nga Italia për trafik droge, arrestohet në Fier 19-vjeçari

14:37 Kronika

Policia e Shkodrës asgjëson 1987 bimë kanabis, procedohen 3 kryetarë fshatrash

14:16 Kronika