Te fundit
Pas tragjedisë së Himarës, Nano: Zero tolerancë ndaj atyre që rrezikojnë sigurinë e pushuesve në plazhe
7 Gusht 2022, 17:48Kronika
TEMA
Drejtori i Përgjithshëm i Policisë së Shtetit Drejtues Madhor Gledis Nano vijon inspektimin në jug të vendit për të parë nga afër zbatimin e masave shtesë për rritjen e parametrave të sigurisë në plazhet e vendit.
Drejtor Nano ka inspektuar vijën bregdetare nga Ksamili në Vlorë. Gjatë takimeve me drejtuesit e strukturave vendore, ato kufitare dhe me efektivët në shërbim, Drejtor Nano ka kërkuar zero tolerancë ndaj atyre që cënojnë dhe rrezikojnë sigurinë e jetës së pushuesve në plazhe.
Gledis Nano: Serioziteti, përkushtimi dhe ndershmëria juaj në kryerjen e detyrës është baza e suksesit dhe faktori kryesor për rritjen e parametrave të sigurisë në plazhe, si dhe për të fituar respektin dhe vlerësimin e pushuesve dhe të qytetarëve në përgjithësi. Mos e shpërdoroni këtë mundësi, mos dëmtoni imazhin e Policisë së Shtetit, dhe më keq akoma, mos rrezikoni jetën e qytetarëve me neglizhencën tuaj.
Ky standard i vendosur këto ditë të ruhet deri në fund të sezonit dhe të merret si model për sezonin e ardhshëm, me qëllim që masat të merren në kohë, jo vetëm nga Policia, por të koordinuara me të gjithë institucionet që i ngarkon ligji, duke iu krijuar pushuesve një ambient të qetë dhe të sigurtë. Për mjetet lundruese të shoqëruara, por edhe ato që do të shoqërohen për verifikim duhet të kryhet një proces verifikimi i detajuar nga të gjitha strukturat. Mjetet që do të rezultojnë të rregullta nga verifikimi i detajuar do t’i nënshtrohen rregullave të reja të daljes në det, për të përmbushur qëllimin e vetëm, sigurinë e jetës së pushuesve.
Ndërkohë, Policia Kufitare, në bashkëpunim me policinë vendore, po vijon monitorimin në të gjithë zonën bregdetare, nga Ksamili në Velipojë. Gjatë ditës së sotme janë bllokuar 2 Jet ski dhe një skaf që kishte hyrë në perimetrin e sigurisë ku bëjnë plazh pushuesit.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pas pilafit jane shume te forte keta, amatore dhe te paafte...qesharakë.
Pas krishtit , te gjithe behen profet ....zoti drejtor , nuk eshte zgjuarsi dhe intuite te veprosh me vendosmeri pas ngjarjes , por para saj , te edukosh vartesit dhe ata me radhe deri te polici i thjeshte , qe te tilla raste nuk tolerohen .....nuk ka me fal mbas krimit , mbas krimit , me dashje dhe pa dashje , por po mar versionin me light , pa dashje , ka te tjera masa disiplinore ... do te ishte me e sinqerte te jepje doreheqjen menjehere , eshte i vetmi xhest i ndershem ....te tjerat jane arsye dhe pretekse te justifikohet ngjarja ..... Uvra djali para pak viteve nga polici , pastaj ?? cmesime u nxoren ?? A nuk ishit ju qe thoshit se keto ngjarje nuk kane per te ndodhur ??? Ja ndodhi , po tani cthuahet ?? Prap me fal ....nje fjal e urte popullore thote : qe kur ka dale "me fal " ka humbur sinqeriteti dhe ndershmeria .....vazhdoni se mire e keni , jeni ne rruge te duhur ......