Te fundit
Përjashtohet nga policia ish-zv/drejtori i Rendit dhe ish-shefi i komisariatit në Policinë e Lezhës
24 Shkurt 2026, 11:35Kronika
TEMA
Drejtoria e Standardeve Profesionale në Policinë e Shtetit ka marë masa disiplinore ndaj ish-drejtuesve të Policisë së Lezhës. Për shkak se kanë shpërdoruar detyrën duke lejuar lojërat e fatit dhe kultivimin e kanabisit, sipas Drejtorisë së Standardeve janë përjashtuar nga policia ish-zv/drejtori për Rendin në Policinë e Lezhës, Taulant Gjoka dhe ish-shefi i Komisariatit Oltion Gjoni sepse për të dy është kompetencë e tyre kontrolli i territorit për veprat penale si organizimi lojrave të fatit dhe kultivimi i drogës.
Ndërsa, për ish-drejtorin e Policisë së Lezhës, Altin Mena, është vendosur ulje në gradë për 5 vite. Mena aktualisht është zv/drejtor për rendin në Policinë e Kukësit. Ndërsa për zv/drejtorin për Krimet, Kujtim Gjokën, është vendosur shtyrje e afatit të gradimit.
Të gjitha këto masa nga Drejtoria e Standarteve kanë ardhur pasi Proda shkarkoi nga detyra Altin Menën, në Lezhë u zbulua një kazino dhe një magazinë ku kultivohej kanabis. Në arsyetimin e Drejtorisë së Standardeve thuhet se gjatë drejtimit të Policisë së Lezhës nga këta drejtues prej kohësh në mes të qytetit funksiononte një kazino tre kate me mbi 20 makineta dhe një sallë pokeri brenda, gjithashtu dhe kokainë e kapur në momentin e ndërhyrjes. Po ashtu, gjatë drejtimit të tyre sipas Standardeve një shtëpi bari në mes të rrugës nacionale funksiononte gati që nga muaji gusht. Burime nga Drejtoria e Standardeve bëjnë me dije se presin që edhe AMP të nisë hetim ndaj ish drejtuesve të Policisë së Lezhës.
Vetëm pak ditë pas marrjes së detyrës si drejtor i Policisë së Lëzhës, nën drejtimin e Islor Islamit, u zbulua dhe u godit grupi që kultivonte kanabis në një magazinë në mes të rrugës nacionale në Lezhë. U sekuestruan mbi 1 mijë bimë kanabis. Po ashtu ditë më parë ishte zbuluar edhe kazinoja në mes të qytetit.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo policia qe pastron vetvehten, gje qe drejtesia nuk e ka bere kurre dhe as ka nder mend ta beje!
Saktë. Tre rreshta ke shkruar, por sa per një libër, për drejtesine tone të zhdrejtë.
Eshte hakmarrje personale...
Veprimi i sakte ,shkarkimi nga detyra .Shperdorimi i detyres ose paaftesi kane si mase largimin nga puna dhe jo detyrimisht "burg".
Erdhi momenti të them ke të drejtë Enver.