Te fundit
Polic në vite të vështira në fillim të viteve ’90: Parandalimi i krimeve, i vështirë. Mungonte infrastruktura dhe mjetet e komunikimit
20 Janar 2024, 22:25Kronika
TEMA
Këtë janar Policia e Shtetit kremtoi 111 vjetorin e krijimit.
Në më shumë se një shekull janë pafund ata që kanë veshur uniformën e efektivit e kanë dhënë kontribut të çmuar për shtetin e shoqërinë.
Abedin Koçi është një prej tyre.
Ai iu bashkua forcave të rendit në Librazhd në vitet e para të demokracisë.
Thotë se ndërrimi i sistemeve politike solli situata që ishin vështirë të menaxhueshme. Në jo pak raste rrezikohej edhe jeta.
Parandalimi i ngjarjeve kriminale ishte i vështirë për shkak të mungesës së mjeteve të komunikimit.
Vite më herët ka ushtruar detyrën e magazinerit ku furnizonte me materiale postat e policisë kufitare.
Shumë prej tyre ndodheshin në terrene të vështira.
Atë kohë, Abedin Koçi thotë se qëndronte me muaj larg shtëpisë dhe familjarëve.
Pavarësisht sakrificave Koçi shprehet se punonjësit e policisë nuk janë vlerësuar sa duhet.
Abedin Koçi është në moshë pensioni por ditët e kaluara në shërbim i kujton shpesh, ndihet krenar dhe i lumtur që në gjurmët e tij po ecën dhe biri që prej vitesh ka veshur uniformën e policit.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Trupa e policise, po ashtu si administrata Shteterore, qe nga 91 -shi e ketej, duhet te turperohet me punen e tyre. Kjo vlen qe nga drejtuesit e lerte ,e deri te punonjesi me i ulet.Ky eshte fakt dhe nuk ka shume nevoje per interpretime, sepse po te ishte punuar me perkushtim dhe ndershmeri, rezultatet do te ishin padiskutim te tjera shume me te mira.