Te fundit
Proda takim me drejtuesen e zyrës së KE në Shqipëri, Giulia Re: Policia e Shtetit partner i rëndësishëm në luftën kundër diskriminimit
12 Shkurt 2025, 16:13Kronika
TEMA
Drejtori i Përgjithshëm i Policisë së Shtetit Drejtues Madhor Ilir Proda priti në takim drejtuesen e Zyrës së Këshillit të Europës në Shqipëri, Giulia Re.
Në këtë takim, Re shoqërohej nga drejtuesja e projektit “Fuqizimi i Mbrojtjes nga Diskriminimi”, Iva Çoku, i cili zbatohet në Shqipëri, në kuadër të një programi të përbashkët të Bashkimit Europian dhe Këshillit të Europës.
Drejtori i Përgjithshëm dhe drejtuesja e Zyrës së Këshillit të Europës në Shqipëri vlerësuan bashkëpunimin e deritanishëm mes dy institucioneve që drejtojnë dhe diskutuan mbi zgjerimin e bashkëpunimit dhe trajnimin e punonjësve të Policisë në të gjithë vendin, në kuadër të projektit kundër diskriminimit.
Re e ka cilësuar Policinë e Shtetit si një partner të rëndësishëm në luftën kundër diskriminimit, gjuhës së urrejtjes dhe krimeve të urrejtjes. Ajo ka shprehur gatishmërinë për ta mbështetur më tej Policinë e Shtetit dhe për të ofruar trajnime për punonjësit e Policisë të sektorëve të ndryshëm, nëpërmjet projektit kundër diskriminimit dhe nismës trajno trajnerët.
Drejtuesja e projektit “Fuqizimi i Mbrojtjes nga Diskriminimi”, Iva Çoku e falënderoi Drejtorin e Përgjithshëm, për bashkëpunimin e deritanishëm, dhe bëri me dije se punonjësit e Policisë janë ndër përfituesit më të rëndësishëm të këtij projekti që synon përmirësimin e mbrojtjes nga diskriminimi dhe gjuha e urrejtjes/krimet e urrejtjes.
Drejtori i Përgjithshëm i Policisë së Shtetit falënderoi drejtuesen e Zyrës së Këshillit të Europës në Shqipëri dhe drejtuesen e projektit kundër diskriminimit, për ndihmën e dhënë deri tani për Policinë e Shtetit dhe për ofrimin e mundësive të trajnimit për punonjësit e Policisë së Shtetit, të cilët gjatë punës së tyre duhet të jenë të përgatitur për të trajtuar raste ku janë të përfshirë shtetas që i përkasin minoriteteve apo grupeve të tjera vulnerabël, që janë objekt diskriminimi.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
te dy keta duhen mbrojtur ndaj diskriminimit per pamjen e jashtme
cfar lajmi eshte ky nuk er kuptoj ..ajo eshte nje zyrtare e rendomte..akoma nuk dihet pse rri ajo zyre ne shqiperi, kur mardheniet me keshillin e europes kan mbaruar me kohe.. dmth eshte e panevojshme