Te fundit
U mor i pandehur/ Shkelje e barazisë në tendera, kreu i KPP, Jonaid Myzyri në SPAK, i komunikohet akuza
30 Qershor 2025, 10:52Kronika
TEMA
Një javë pasi u mor i pandehur, kreu i Komisionit të Prokurimit Publik, Jonaid Myzyri është paraqitur sërish sot në SPAK, për t’u njohur me akuzat.
Myzyri u mor i pandehur për veprën penale “Shkelja e barazisë së pjesëmarrësve në tendera apo ankande publike” pas pesë vitesh hetime.
Hetimi ndaj tij, sipas një burimi në SPAK, ka filluar në vitin 2020, kohë kur ai ka marrë detyrën, pas dyshimeve se ai kishte diktuar veprimet e anëtarëve të tjerë të KPP në rastet e shqyrtimit të ankesave ndaj procedurave të prokurimit.
Çështja penale ndaj Myzyrit është transferuar në SPAK prej ish-Prokurorisë për Krime të Rënda. Myzyri është gjetur përgjegjës për veprimet e tij në procedurën e prokurimit të vitit 2020 i shpallur atëherë nga Autoriteti Rrugor Shqiptar, me objekt “Mirëmbajtje rutinë me performancë rruga Rreshen (U.Fanit)- Shpal, Shpal- Q.Bene- K.Hadroj, Shpal-Ura e Repsit”, me fond limit 219.8 milionë lekë. Po ashtu, Myzyri është duke u hetuar dhe për procedura të tjera prokurimi.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gjynah.. ky eshte djale i mire. Po e peson nga shkeljet e Belindes. Vertet per te ardhur keq.
Te shkoje dhe ky ne gop te semes.Ju duket vehtja mbi ligjin.SPAKU tu leroje nenen dhe babane .