Te fundit
VIDEO/ Vrasja e çiftit Mujeci, gjendet makina e dytë e autorëve të atentatit në Lezhë
29 Prill 2026, 15:50Kronika
TEMA
Është gjetur një tjetër automjet tip Audi A4, i cili dyshohet se është përdorur nga vrasësit e çiftit Kreshnik dhe Gentjana Mujeci, ngjarje e cila ndodhi ditën e diel.
Makina u gjet në zonën e fshatit Torovicë, në një rrugë dytësore, në tokë arë, pranë një kanali. Po në këtë zonë, u gjet ditën e djeshme edhe makina tjetër e përdorur në atentatin e të dielës, një Volksëagen Polo.
Automjeti u sekuestrua në cilësinë e provës materiale dhe do t’i nënshtrohet ekspertizave kriminalistike.
Lezhë / Vijojnë veprimet e thelluara hetimore dhe kontrollet në terren për sigurimin e të gjitha provave që shërbejnë për dokumentimin e plotë ligjor të autorësisë së ngjarjes së ndodhur më datë 26.04.2026, në fshatin Balldren.
Si rezultat i hetimeve, informacioneve të siguruara dhe kontrolleve të imtësishme në terren, të kryera nga shërbimet, në fshatin Torovicë, në një rrugë dytësore, në tokë arë, pranë një kanali, u gjet një automjet tip “Audi A4”, i cili dyshohet se është i përfshirë në dinamikën e ngjarjes dhe se është përdorur nga bashkautorët, të cilët kanë pasur rolin e vëzhguesve të lëvizjeve të viktimave.
Gjatë këqyrjes së tij, brenda automjetit u gjetën dokumentacione që u përkisnin autorëve të shpallur në kërkim.
Me qëllim kryerjen e verifikimeve më të specializuara, automjeti u sekuestrua në cilësinë e provës materiale dhe do t’i nënshtrohet ekspertizave kriminalistike.
Ndërkohë, në mënyrë intensive dhe të pandërprerë, vijon kontrolli i zonave për lokalizimin dhe kapjen e autorëve të shpallur në kërkim.
Materialet procedurale iu referuan Prokurorisë së Lezhës për veprime të mëtejshme.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E habiteshme...Paskan.lene dokumentet kriminelet qe t'i gjente dhe t'i identifikonte policia.??!!. Paska qene Shvejku krimineli.. Po si shkruani nga keto mufka? Separi pa u verifikuar pronesia e mjetit dhe dokumentacioni shkruhet se mjeti eshte braktisur nga kriminelet!?! Ketyre PO, qe ju duhet rritur rroga.