Te fundit
Zbulohen 4 mijë rrënjë kanabis në Shkodër, kultivuesit në arrati! Nën hetim 5 kryetarë fshatrash
13 Tetor 2025, 09:37Kronika
TEMA
Pesë nënkryetarë fshatrash të qarkut Shkodër do të hetohen në gjendje të lirë për shpërdorim detyre pasi policia zbuloi 4 mijë bimë kanabisi dhe 510 gramë të kësaj lënde në formën e boçes.
Ndërkohë vijon puna për kapjen dhe identifikimin e autorëve.
Njoftimi i policisë:
Shërbimet e Drejtorisë Vendore të Policisë Shkodër dhe të Komisariatit të Policisë Shkodër, në bashkëpunim me Njësinë e Sigurisë Publike Shkodër, vijojnë me intensitet kontrollet në vijim të operacionit policor të koduar “Koordinata”, me qëllim goditjen e rasteve të kultivimit të bimëve narkotike. Si rezultat i kontrolleve:
Në territoret e njësive administrative Pult, Ana e Malit, Shosh dhe Shalë, shërbimet e Komisariatit të Policisë Shkodër gjetën dhe asgjësuan 4002 bimë të dyshuara narkotike Cannabis Sativa dhe 510 gramë lëndë të dyshuar narkotike në formën e boçes.
Në vijim të veprimeve procedurale, u referuan materialet në Prokurori, ku nisi procedimi në gjendje të lirë:
-për veprën penale “Shpërdorimi i detyrës”, për kryetarin e fshatit Nënmavriq, shtetasin L. L.; kryetarin e fshatit Leknikaj, shtetasin K. K.; kryetarin e fshatit Kuje, shtetasin D. V.; kryetarin e fshatit Vuksanaj, shtetasin K. Gj.;
-për veprat penale “Shpërdorimi i detyrës” dhe "Moskallëzimi i krimit”, për kryetarin e fshatit Palaj, shtetasin K. K..
Vijon puna për identifikimin, kapjen dhe vënien përpara përgjegjësisë penale të autorëve të kultivimit të bimëve narkotike.
Operacioni antikanabis i koduar “Koordinata” vijon në të gjithë territorin e qarkut Shkodër.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
S'kane rruge tjeter . Me se do ushqehen ato zona ku dhe bari eshte me pakice . Me Hoxhen hengrem bare dhe nuk u dorzuan . Me Saliun e Ramen kultivojne hashash te mbajne frymen gjalle.
Kryetarët e fshatrave do të luftojnë krimin!?