Te fundit
Zbulohet magazina me veshje kontrabandë në Kamëz! Pranga 46-vjeçarit turk, një në kërkim! Nis hetimi për 3 punonjëse
10 Janar 2026, 11:30Kronika
TEMA
Një 46-vjeçar turk, Ozkan Sulun është arrestuar nga policia në kuadër të operacionit policor të koduar “Brands 2”, ku në Kamëz u zbulua një magazinë ku stampoheshin veshje të kontrabanduara, me logo false.
Në kërkim, është shpallur edhe një shtetas tjetër turk, 50-vjeçar, Mehmet Karçiga teksa janë proceduar në gjendje të lirë 3 punonjëse.
Në magazinë kishte mallra që dyshohet se kishin shmangur detyrimin doganor, si dhe makineri për falsifikimin dhe stampimin e logove që vendoseshin në veshje dhe këpucë të ndryshme.
Policia sekuestroi sasi të mëdha veshjesh/këpucësh, makineri lazeri, printimi ose stampimi, stampa/logo të markave të njohura ndërkombëtare, 1 celular, si dhe sende/dokumente të tjera që do t’i shërbejnë hetimit.
Finalizohet nga Sektori për Hetimin e Krimit Ekonomik dhe Financiar në Drejtorinë për Hetimin e Krimit Ekonomik dhe Financiar në DPPSh, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, operacioni policor i koduar “Brands 2”.
Zbulohet në Kamëz, 1 magazinë ku stampoheshin veshje të kontrabanduara, me logo false.
Arrestohet 1 shtetas turk, shpallet në kërkim 1 tjetër shtetas turk si dhe procedohen në gjendje të lirë 3 punonjëse.
Sekuestrohen sasi të mëdha veshjesh/këpucësh, makineri lazeri, printimi ose stampimi, stampa/logo të markave të njohura ndërkombëtare, 1 celular, si dhe sende/dokumente të tjera që do t’i shërbejnë hetimit.
Si rezultat i administrimit të informacionit të siguruar se në Kamëz, magazinoheshin veshje të kontrabanduara, të cilave iu viheshin logo false të markave të njohura ndërkombëtare, Sektori për Hetimin e Krimit Ekonomik dhe Financiar, me mbështetjen e Komisariatit të Policisë Nr. 5 dhe Forcës së Posaçme “Shqiponja”, organizoi dhe finalizoi operacionin “Brands 2”.
Gjatë operacionit u arrestua shtetasi turk O. S., 46 vjeç, u shpall në kërkim shtetasi turk M. K., 50 vjeç, si dhe u referuan materialet në Prokurori, ku nisi procedimi në gjendje të lirë, për shtetaset L. M, Sh. M dhe Sh. B, punonjëse në këtë magazinë.
Gjatë ndërhyrjes, shërbimet e Policisë konstatuan se në magazinë kishte mallra që dyshohet se kishin shmangur detyrimin doganor, si dhe makineri për falsifikimin dhe stampimin e logove që vendoseshin në veshje dhe këpucë të ndryshme.
Punohet për lokalizimin dhe kapjen e 50-vjeçarit të shpallur në kërkim.
Materialet procedurale iu referuan Prokurorisë së Tiranës, për veprime të mëtejshme, për veprat penale “Shkelja e të drejtave të pronësisë industriale”, “Punësimi i paligjshëm”, “Kontrabanda me mallra të tjera”, “Tregtimi dhe transportimi i mallrave që janë kontrabandë”, “Ruajtja ose depozitimi i mallrave kontrabandë”, “Fshehja e të ardhurave”, “Falsifikimi i vulave, i stampave ose i formularëve”.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ore po mire punishtja ese magazina ,po i keni dyqanet plote keto plehra.Te cilat demtojne prodhimin vendas .DUHET te KONSUMOJME made in ALBANIA
Oh jo çfarë tmerri. Veshje me brande fallco. Bravo Policia. Këta kriminelët e rrezikshëm meritojnë burg për jetë, sidomos ato punonjëset me rrogë minimale. Në burg, atje e kanë vendin. Policia është me ne.
U tmarrova kur pashë lajmin . Çfar kriminelësh ! Si ka mundësi që të ndodhin të tilla vjedhje të të drejtës intelektuale ! Dhe unë rroja I qetë sepse kujtoja se çanta apo këpucët ishin të firmës "Gucci" ! Çfar tmerri kur mendon se ajo çantë është prodhuar në Kinë Turqi apo Bangladesh dhe t'i e mban I qetë në dorë se kujton se është prodhuar në Itali. Vetëm ndjesia që nuk është prodhuar në një vend demokratik është tmerruese. Hahahahaj....