Zjarri ka përfshirë katin e tretë të një pallati në Gjirokastër, teksa policia dhe forcat e zjarrfikëses kanë mbërritur në vendngjarje.
Nga të dhënat paraprake, dyshohet për një masë elektrike në kondicionerin e banesës së shtetasit R. K. Fatmirësisht, nuk raportohet për të lënduar, ndërsa policia është duke kryer evakuimin e banorëve.
Njoftimi:
Gjirokastër/Informacion paraprak
Në katin e tretë të një pallati në lagjen “18 shtatori”, dyshohet për shkak të një shkëndie elektrike ka rënë zjarr në banesën e shtetasit R.K.
Në vendngjarje kanë shkuar forcat e Policisë dhe po kryejnë evakuimin e banorëve të pallatit.
Shërbimet zjarrfikëses po punojnë për shuarjen e zjarrit.
Deri tani nuk ka asnjë shtetas të lënduar apo me probleme nga tymi.
Grupi hetimor po punon për zbardhjen e plotë të rrethanave dhe dokumentimin ligjor të rastit.
Lini një Përgjigje