Biblioteka Kombëtare e Shqipërisë hap ekspozitë kushtuar 180-vjetorit të lindjes së Zef Serembe

Biblioteka Kombëtare e Shqipërisë, ka njoftuar se në nder të 180 vjetorit të lindjes së arbëreshit Zef Serembe (1844-1901), këtë javë ka hapur një ekspozitë që sjell në vëmendje te lexuesit krijimtarinë e poetit lirik që ndodhet në koleksionet e BKSh-së.

Zef Serembe ka lëvruar gjerësisht lirikën me një tematikë të larmishme, ka krijuar lirika atdhetare, filozofike, shoqërore e të dashurisë.

“Në vjershat atdhetare grishi në luftë të hapur kundër pushtuesit osman (“Vrull”, “Dora d’Istrias”). Lirika e tij filozofike-shoqërore dhe e dashurisë pasqyroi konfliktin midis individit dhe shoqërisë së kohës, duke sjellë një hero të ri, kryengritësin individual të vetmuar (“Elegji”, “Kujtim” etj.) dhe të zhgënjyer nga jeta. Në poezinë e tij të përshkuar nga një ndjenjë malli, gërshetohen optimizmi e stoicizmi me nota të trishtuara mistike e pesimiste”, thuhet në njoftimin e Bibliotekës.

Poezia e Sermebes thuhet se është një shprehje e kontradiktave dhe e zhgënjimit tragjik që përjetonnin inteletualët arbëreshë.

“Shumë prej krijimeve të Serembes (poezi, drama dhe një përkthim i Psalmeve të Davidit), që ai shpesh i rishikonte e i ndryshonte, humbën gjatë jetës së tij endacake. Sa qe gjalle ai botoi vetëm: “Poesie italiane e canti originali tradotti dall`àlbanese” (Poezi italisht dhe këngë origjinale të përkthyera nga shqipja – Kozencë, 1883), në italisht dhe shqip; “Il reduce soldato, ballata lirica” (Kthimi i ushtarit, baladë lirike – Nju-Jork, 1895), vargje vetëm në italisht; “Sonetti vari” (Sonete të ndryshme – Napoli, 1891), një përmbledhje prej 42 sonetesh me një parathënie (hyrje), me një shkrim të imtë të ndrydhur në vetëm 4 faqe”, shkruhet tutje në njoftim. Ekspozita do të qëndrojë e hapur për publikun në Sallën Shkencore të BKSH-së. A.K./TemA

“Nuk janë gra”, JK Rowling: Mu lutën të mos shprehesha për transgjinorët, por..

12:04 Kulturë

‘Butrint 2000’, historia e festivalit që u kthye në shkollë teatrore

11:10 Kulturë

Përmbyllet edicioni i IV i Festivalit të Letërsisë ‘ZaNa’ në Mitrovicë

10:08 Kulturë

Ansambli ‘Romanasul’ nga Rumania, fitues i Festivalit Ndërkombëtar ‘Aulona Folk’

09:06 Kulturë

Del libri “Hebreu i Fundit”, 17 tregime e 3 novela nga Hajno për realitetin shqiptar

08:01 Kulturë

Ekspertët bëjnë thirrje për ruajtjen e zbulimit arkeologjik në Durrës

20:40 Kulturë

“Mësimet e së Premtes” me aktoren Margarita Xhepa: Si t'i përqafojmë vështirësitë e jetës dhe t'i kthejmë ato në mundësi

17:44 Kulturë

300 artistë “ndezin” Vlorën, këngë dhe valle në “Aulona Inter Folk Festival”

16:30 Kulturë 1 koment

Festivali i filmit të shkurtër Dropull, 4 filmat fitues prezantohen në Tiranë

15:14 Kulturë

“Anonimi i Venedikut”, një romancë e jashtëzakonshme dashurie tek ArTurbina

14:16 Kulturë