“Festa e Malit të Thatë” - Tradita, natyra dhe historia bëjnë bashkë banorët e vizitorët

Në zemër të një prej zonave më piktoreske të Pogradecit u zhvillua për herë të parë “Festa e Malit të Thatë”, një aktivitet që mblodhi bashkë banorët vendas dhe vizitorët për të festuar natyrën, historinë dhe trashëgiminë kulturore të kësaj treve.

Atmosfera nisi me muzikë e valle popullore, ndërsa nuk munguan edhe gatimet tradicionale.

Një vlerë të veçantë festës ia shtoi ekspozita e studiuesit Ledjan Zeqollari, ku u prezantuan dokumente dhe fotografi të rralla, që tregojnë historinë e Malit të Thatë dhe fshatrave përreth. 

“Është një ekspozitë e cila promovon kryesisht dokumente dhe aspekte të vlerave kryesore historike-kulturore të krahinës së Malit të Thatë,” u shpreh studiuesi Zeqollari.

Në fjalën e tij, Lavdërim Mimimllari nga Shoqata “Mali i Thatë” u shpreh se kjo festë synon të kthehet në një traditë të përvitshme.

“Festa ka si objektin e saj ngritjen lart të vlerave të kësaj zone, të kulturës dhe të njerëzve që kanë kontribuar në kohë për ta mbajtur këtë zonë,” tha z. Mimimllari.

Organizatorët e konsiderojnë këtë edicion të parë një hap të rëndësishëm në promovimin e Malit të Thatë si destinacion turistik e kulturor, ku bukuritë natyrore, mikpritja dhe historia ndërthuren për t’i ofruar çdo vizitori një përvojë të paharrueshme.

- RTSH-

Bujë në Itali për profilin e Enver Hoxhës të sjellë nga Roland Sejko

19:00 Kulturë 12 komente

Open Cinema në Devoll, kolazh me kolonat zanore të filmave shqiptarë

18:51 Kulturë

August Ritter von Kral. Aktori kryesor i Austro-Hungarisë në trojet shqiptare

17:42 Kulturë

Përurohet shtatorja e dom Mikel Beltojës, meshtari i fundit i pushkatuar nga regjimi komunist

17:42 Kulturë 1 koment

Ndriçim Ademaj: Epitaf për brezin tim

16:25 Kulturë

Më shumë lexues gjatë verës, rreth 60 anëtarësime të reja në bibliotekën e Gjirokastrës

16:00 Kulturë

Teatri i Kukullave Pogradec, pjesëmarrës në Festivalin Ndërkombëtar “Bitolino”

15:40 Kulturë

Mjeshtri i tik-takut, Muharrem Shkreli na tregon për zanatin e vjetër

14:48 Kulturë

Naim Frashëri, aktori i shquar i teatrit dhe kinematografisë shqiptare

14:40 Kulturë 4 komente

Kalaja e Libohovës, dhurata e Ali Pashës për motrën e tij Shanishanë

13:47 Kulturë