Te fundit
Gonxhe: Bibliotekë e re kombëtare do ngrihet pranë Gardës, e vjetra nuk do të shkatërrohet
17 Shtator 2024, 12:13Kulturë
TEMA
Ministri i Ekonomisë, Kulturës dhe Inovacionit, Blendi Gonxhe po mban një seancë dëgjimore në Kuvend. Gjatë fjalës së tij, Gonxhe ka thënë se po punohet për projektimin e një biblioteke te re kombëtare pranë Gardës në Tiranë. Më tej, Gonxhe ka shtuar se edhe pse do të ndërtohet një bibliotekë e re, ajo e vjetra nuk do të shkatërrohet, por do të ketë një theks muzeal në qendër të qytetit pranë sheshit Skëndërbej.
Blendi Gonxhe: Një situatë e rëndësishme për Bibiotekën Kombëtare të Shqipërisë që është një institucion me një rëndësi të jashtëzakonshme dhe që kemi një situatë kritike sa i takon kushteve të sigurisë për fondet dhe për të gjithë inventarin, thesarin që kemi në bodrumet e këtij institucioni ku ne po punojmë për të pasur një qasje tepër kreative në kuptimin ekonomik të fjalës, një nismë të re që kemi bashkë me Bashkinë Tiranë dhe me shoqërinë që posedon një pjesë të këtij aseti, ne të kemi një marrëveshje të re që do të na bënte që të dilnim me më shumë metra me një zgjidhje përsa i përket krizës që ka kaluar biblioteka shqiptare në vite.
Biblioteka e re kombëtare 2 që do të zhvillohet, do të ndërtohet, ngrihet pranë Gardës. Biblioteka e vjetër nuk do të shkatërrohet, ajo do të jetë biblioteka në konceptin që ne kemi, do të ketë dëgjesa, një analizë dhe vendimmarrje serioze. Biblioteka e vjetër kombëtare duhet të jetë atje për një theks ceremonial, muzeal, duke qenë në qendër të qytetit pranë sheshit Skëndërbej dhe duke menduar si do e konceptojmë Pallatin e ri të Kulturës në shërbim edhe të bibliotekës kombëtare, ne duam që të jetë e vizitueshme dhe të jetë një objekt historik ku do të kemi fondin historik. Biblioteka e re kombëtare do të jetë në shërbim të shumë moshave me shumë kategori. E gjitha kjo do të zhvillohet në një godinë të re që do të vijë si rezultat i një qasje kreative ekonomike. A.K./TemA
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Lajm i mirree!
Qasje kreative ekonomike....dmth do boj pallat ke liqeni edhe dy kate do ja boj sevap shtetit... I ka mbet fiksim diga e liqenit kti...o permbyt gjith TR o ngordh... Vetem se kam frike se do permbysi edhe Rilindjen kesaj rradhe ...
Nuk jemi kunder por besoj se shteti ka prioritete. Shtresat ne nevoje qe perbejne nje % te larte ne vend, ç'ka detyron dhe emigrimin ne mase, kane nevoje per doren e shtetit. Hallet e miletit nuk mbarojne kurre por dora e shtetit eshte e padukshme.
O Gonxhe,ti njihesh ne Tirane si ai qe grabiti HALENE e vetme qe kish mbetur ne Tirane dhe e bere zyra dhe karburnt per vehte. Shoket e tu shiten ambientet e Bibliotekes Kombetare dhe tani pretendoni te beni Biblioteke ne qoshe te qytetit.Ne te gjithe boten bibliotekat jane ne qender te qytetit.Si per cdo gje ju rilindasit po beni cudira vetem te mbyllni gojat dhe te mashtroni.
BIBLIOTEKA KOMBETARE NUK KA NEVOJE PER NDERTESE TE RE, POR PER RINDERTIM NE QENDER TE KRYEQYTETIT. CLIRONI GJITHE KRAHUN E MAJTE TE PALLATIT TE KULTURES NGA FIRMAT DHE QENDRAT E KULTURES ITALIANE, KTHEJENI SHESHIN MBRAPA NE ARKIV TE SAJ.