Te fundit
Konjufca: Progresiv me bindje, egalitar në qëndrime, gjithnjë kombëtar në veprime dhe humanist në vlera, Rexhep Qosja do të kujtohet si një nga figurat më të rëndësishme të kombit tonë
23 Prill 2026, 13:55Kulturë
TEMA
Zëvendëskryeministri dhe Ministri i Punëve të Jashtme dhe Diasporës, Glauk Konjufca ka reaguar për ndarjen nga jeta të akademikut Rexhep Qosja, duke e cilësuar atë si një nga figurat më të mëdha të mendimit shqiptar.
Në reagimin e tij, Konjufca theksoi se lajmi për vdekjen e Qosjes është pritur me pikëllim të thellë nga i gjithë kombi shqiptar, duke e quajtur atë “kolosi ynë i fundit intelektual”.
Ai vlerësoi kontributin shumëdimensionale të Qosjes si shkencëtar, shkrimtar, akademik dhe kritik, duke nënvizuar rolin e tij të rëndësishëm në studimin dhe pasurimin e letërsisë shqipe.
Konjufca theksoi gjithashtu angazhimin e tij publik dhe politik, veçanërisht në vitet ’80, kur sipas tij Qosja u dallua për guximin në denoncimin e shtypjes ndaj shqiptarëve, si dhe për qëndrimet e tij në periudhat vendimtare për historinë e Kosovës.
“Progresiv me bindje, egalitar në qëndrime, gjithnjë kombëtar në veprime dhe humanist në vlera – Rexhep Qosja do të kujtohet si një nga figurat më të rëndësishme të kombit tonë”, u shpreh Konjufca.
Ai përfundoi mesazhin e tij duke nderuar jetën dhe veprën e akademikut me fjalët: “U prehtë në paqe!”
A.K./TemA
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Gjithnje sherbetor i klanit Pronto, apologjet i Peter Handke - vajtuesit te Sllobes, apologjet i "Revolucionit te vonuar demokratik" te njohur si "Rremujat e 1997", apologjet i ndarjes se Veriut te Kosoves ... .