Te fundit
Na dha hartën e parë Gjeologjike/ Përkujtohet profesori polak që vdiq në burgjet e komunizmit
18 Tetor 2025, 19:22Kulturë
TEMA
Në Tiranë u përkujtua figura e gjeologut polak Stanisłav Zuber, një prej njerëzve që i dhanë themelet shkencës së gjeologjisë shqiptare.
Përfaqësues të institucioneve shqiptare dhe polake nderuan kujtimin e tij, 78 vite pas vdekjes tragjike në burgjet e regjimit komunist.
Stanisłaë Zuber, profesori polak që hartoi hartën e parë gjeologjike të Shqipërisë dhe hodhi themelet e kërkimeve moderne të nëntokës shqiptare, u përkujtua 78 vite pas vdekjes tragjike në burgjet e regjimit komunist.
Përfaqësues të ambasadës polake vendosën lule te pllaka përkujtimore kushtuar profesorit përballë burgut të Mine Pezës, ku ai u burgos dhe ndërroi jetë në vitin 1947.
Është simbol i partneritetit shqiptaro polak. Përkujtojmë jo vetëm punën por edhe vdekjen e tij për shkak të torturave në burgjet e regjimit komunist përfshirë këtu edhe shqiptarët.
Jemi të trishtuar që ende nuk e dime ku prehet. Shqipëria është drejt BE, dhe e duhet ta promovojmë, por jo pa përmendur të shkuarën e errët
Zuber, i lindur në Lviv më 1883, erdhi në Shqipëri në vitet ’20 si ekspert i kompanisë italiane AIPA për kërkimet e naftës.
Ai studioi strukturën gjeologjike të vendit, nga Kuçova në Patos e Selenicë, dhe krijoi hartat që edhe sot shërbejnë si referencë për studiuesit.
Por përveç meritave shkencore, kujtimi i tij lidhet edhe me një fat tragjik.
Në vitin 1947, Zuber u arrestua nga autoritetet komuniste shqiptare, i akuzuar për “spiunazh” dhe “sabotim ekonomik”.
Ai u torturua deri në vdekje në burgun e Tiranës, ashtu siç dëshmonte më vonë shkrimtari Petro Marko, i cili ndodhej në të njëjtin qeli.
Pas dekadash heshtjeje, historia e Zuberit është risjellë në dritë nga studiues shqiptarë dhe polakë, ndërsa sot emri i tij zë vend nderi mes figurave që lidhin dy popuj përmes shkencës dhe sakrificës. /ora/
Më të lexuarat
24 oret e fundit
Javen e fundit
Blog Tema
Lini një Përgjigje