Përcillet drejt banesës së fundit trupi i Artan Lames (FOTOT)

Në mjediset e Akademisë së Shkencave kanë nisur sot homazhet e lamtumirës së fundit për Artan Lamen, i ndarë nga jeta në moshën 58-vjeçare.

Të shumtë kanë qenë njerëzit që kanë shkuar për t’i bërë nderimet e fundit, mes tyre kryetarja e Kuvendit të Shqipërisë, Elisa Spiropali, ministri i Ekonomisë, Kulturës dhe Inovacionit, Blendi Gonxhja, ministri i Drejtësisë Ulsi Manja, ministri i Brendshëm, Ervin Hoxha, si edhe përfaqësues të Shoqatës së Koleksionistëve të Shqipërisë, ku Lame ishte një prej themeluesve të saj, si dhe miq e bashkëpunëtorë të shumtë.

Homazhe kreu edhe ish-kryetari i Kuvendit, Gramoz Ruçi.

Të pranishmit, pasi ngushëlluan familjarët e afërt të Artan Lames, kanë lënë mesazhet e tyre në librin e ngushëllimeve.

Artan Lame ndërroi jetë në Mynih, ku kishte shkuar për një ndërhyrje në zemër.

Lame ishte publicist, opinionist, studiues i historisë shqiptare dhe një veprimtar për mbrojtjen e trashëgimisë kulturore të vendit. Ai la gjurmë si pjesë e shoqërisë civile por edhe si funksionar publik.

I pyetur nga mediet se si do ta kujtonte Artan Lamen, ministri i MEKI, Blendi Gonxhja tha se e kishte njohur që prej ministrisë së parë të Kulturës. “Në Ministrinë e Kulturës ku e thirra vetë të bashkëpunonte, në bashkinë e parë, e më pas në shumë institucione ku jeta na ka bashkuar”.

“Sot, jo vetëm shoqëria por vendi ka humbur një kujdestar të rrallë, unik, të trashëgimisë kulturore e historike”, u shpreh ministri MEKI-t pas homazheve.

“Shumë detyra që mori përsipër, i kreu me sukses, si një i apasionuar i trashëgimisë kulturore e si autor librash të çmuar që rrallëkush do t’u kthehet për t’i bërë edhe një herë”, u shpreh botuesi Fatmir Toçi.

Auron Tare, një mik i të ndjerit Lame, u shpreh pas homazheve se, njerëz si Lamja janë të rrallë.

“Ata kërkojnë të përmirësojnë kulturën shqiptare, shoqërinë shqiptare, kur e gjejnë me gabime e hipokrizi. Por ne i përkasim kësaj kulture dhe do donim të ishte më e mirë, më e arrirë e më e ndriçuar. Këtu qëndronte dhe dyzimi i Artan Lames, që një pjesë e panë si funksionar publik, por ai ishte i dashuruar me kulturën e trashëgiminë shqiptare. Ne që ishim pranë, e kuptonin pasionin e tij”, u shpreh Auron Tare.

Fjalën e lamtumirës e mbajti nje tjetër mik i tiji, Artan Shkreli.

“Sot nuk po ndahemi vetëm nga një mik i afërt por edhe nga një pjesë e vetes tonë. Lajma ishte unik. Kolonjari krenar.

Lamja nuk ishte vetëm një mik i ngushtë. Ai ishte vëllai im, jo prej gjaku por prej jete. Kemi kaluar bashkë shumë dekada, në punë, debat, ide. Artani ishte i jashtëzakonshëm. I paepur në pasionin e tij për trashëgiminë, i papërkulur përballë kompromiseve që nuk i duronte dot. Kishte lidhje intime me historinë jo vetëm si studiues por si njeri që e ndjente thellë që donte t’i kthente çdo tulle të vjetër identitetin, çdo simboli të harruar respektin, çdo figure të nëpërkëmbur, dinjitetin”, u shpreh i mallëngjyer Artan Shkreli, i cili ftoi të pranishmit të mbahej edhe 1 minutë heshtje përpara se arkëmorti të nisej drejt varrezave të Sharrës.

/ATSH/

Billie Eilish vlerësohet si ”Artistja e vitit” nga AMA

12:42 Kulturë

PIKTURA E DITËS: "Baresha"- Nga piktori Gazmend Freitag

12:22 Kulturë

LAMTUMIRA E FUNDIT/ Miq dhe bashkëpunëtorë homazhe në nderim të Artan Lames

12:10 Kulturë

Festivali Ndërkombëtar i Karnavalit, Korça mirëpret këtë vit edicionin e 18-të

11:43 Kulturë

Një mashtrim artistik që bëhet dokumentar/ Historia e pabesueshme e Bienales së Tiranës 2001

11:22 Kulturë

Konferenca shkencore: Idetë dhe mesazhet kombëtare të Frashërllinjve

11:19 Kulturë 1 koment

Vota e Shqipërisë për shefen e UNESCO, kandidatja Gabriela Ramos flet për "Ekspres"

10:42 Kulturë

Shtëpia e vëllezërve Frashëri/ Kërkohet kthimi në një vend pelegrinazhi: Të bëhet rruga dhe restaurohet banesa!

10:18 Kulturë 2 komente

Si përktheva Kadarenë

10:13 Kulturë

"Në kujtim të Mitrushit"/ Aktiviteti në Korçë në kuadër të 58 vjetorit të vdekjes

10:00 Kulturë