Te fundit
Substancë - In Memoriam Ali Oseku! Hapet ekspozita në kujtim të piktorit
2 Maj 2025, 10:08Kulturë
TEMA
Në njëvjetorin e ndarjes nga jeta të piktorit Ali Oseku, është çelur një ekspozitë në kujtim të tij.
Ekspozita, e titulluar “Substancë”, është homazh për artistin dhe vjen si një përpjekje për të treguar, në mënyrë të sintetizuar jetën dhe veprën e tij të ndarë mes dy kohësh, që u bashkuan sërish përmes ngjyrës.
Në qendër të kësaj ekspozite ndodhet një vepër e hershme, puna e diplomës. E gjetur rastësisht në oborrin e shkollës, e vendosur në tokë si një objekt që përçon peshën e kujtesës, tejkalon subjektin e pikturuar dhe tregon të gjithë historinë e ëndrrës së artistit të thyer e përthyer në kohë të errët.
Në muret përreth saj qëndrojnë disa vepra të kohës së re, ku drita dhe hapësira mbizotërojnë, ku ngjyra bëhet gjuhë dhe heshtja mesazh.
Ekspozita do të qëndrojë e hapur në Galerinë FAB deri në datën 10 maj.
/RTSH/
Më të lexuarat
24 oret e fundit
Javen e fundit
Blog Tema
Lini një Përgjigje