Te fundit
VIDEO/ A po e humbasim mendimin kritik? Gazetaria dhe roli i së vërtetës (Apostrof, Episodi 6)
23 Shkurt 2025, 17:43Kulturë
TEMA
Në këtë episod të podcast-it Apostrof, bisedojmë me gazetarin dhe publicistin Blendi Salaj. Nga studimet në SHBA dhe përvoja e punës në The Neë York Times, deri te sfidat e gazetarisë në Shqipëri sot, Blendi ndan mendimet e tij mbi mediat dhe rolin e tyre sot.
Ai ndan reflektime të sinqerta mbi përshtatjet kulturore dhe profesionale që iu desh të bënte pas kthimit në Shqipëri. Më pas, fokusohemi te gazetaria, duke diskutuar sesi media shqiptare është transformuar gjatë dy dekadave të fundit.
Rritja e rrjeteve sociale ka ndryshuar ndjeshëm natyrën e gazetarisë, duke ngritur pyetje mbi besueshmërinë, senzacionalizmin dhe përgjegjësinë e profesionistëve të medias për të luftuar dezinformimin. Salaj ndan këndvështrimin e tij mbi faktin nëse gazetaria shqiptare po shkon drejt një modeli më të shëndetshëm apo po bëhet më e fragmentuar nën presionin e viralitetit dhe njëanshmërisë.
Nisur nga interesi i tij për filozofinë dhe mendimin kritik, ndalemi edhe tek prirja në rritje e shoqërisë për opinione të nxituara dhe flluskat e realitetit që krijojnë rrjetet sociale. A po dobësohet mendimi kritik? Çfarë roli luajnë arsimi, media dhe natyra njerëzore në formësimin e debatit publik?
Në pjesën e fundit të bisedës, eksplorojmë të ardhmen e medias dhe kulturës. Cilët libra dhe mendimtarë kanë ndikuar më shumë në botëkuptimin e tij? Dhe, mes zhurmës dhe dezinformimit, cilat janë shenjat që i japin shpresë për të ardhmen e gazetarisë dhe diskursit publik?
Më të lexuarat
24 oret e fundit
Javen e fundit
Blog Tema
