Te fundit
A e dini pse qentë qajnë? Studimi zbulon arsyen
10 Shtator 2022, 15:39Lifestyle
TEMA
Në fakt është një dukuri e zakonshme kur qentë ribashkohen me pronarët e tyre pas një dite të gjatë pune, ose ndarje. Gjetjet e studimit u publikuan në revistën shkencore Current Biology. Hulumtuesit kanë zbuluar se qentë derdhin lot dhe se kjo ka të bëjë me emocionet pozitive.
“Gjithashtu oksitocina është një mekanizëm i mundshëm që qëndron në themel të këtij fenomeni”, tha profesori Takefumi Kikusui nga Universiteti Azabu në Japoni.
Kikusui dhe kolegët e tij u interesuan për këtë proces pasi një nga dy qentë e tij kishte këlyshë të vegjël gjashtë vjet më parë. Ai vuri re se kur qenushja e tij po ushqente këlyshët, diçka ndryshoi në fytyrën e saj, kishte lot.
Lotët nuk bien, siç ndodh shpesh te njerëzit, por sytë e femrës ishin plot lot. Kjo ngjarje i dha Kikusuit idenë se oksitocina mund të ndikojë në të qarat tek qentë.
Oksitocina njihet si hormoni i dashurisë. Studiuesit e dinin gjithashtu nga vëzhgimet e mëparshme se oksitocina lirohet si te qentë ashtu edhe te pronarët e tyre gjatë shoqërimit, lojës së bashku dhe ndërveprimeve të tjera. Kështu ata vendosën të kryejnë eksperimente dhe të mësojnë më shumë rreth lotëve të qenit.
Njerëzve iu kërkua gjithashtu të vlerësonin fotografitë e fytyrave të qenve me dhe pa lot artificial, dhe rezultoi se njerëzit dhanë përgjigje më pozitive kur shihnin qen me sy të përlotur.
Këto gjetje sugjerojnë se prodhimi i lotëve tek qentë ndihmon në krijimin e lidhjeve më të forta midis njerëzve dhe qenve të tyre./abcnews.al
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me pak fjale shqiptarët duhet të kenë shumë oksitocinë mangut përderisa nxjerrim kaq shumë hajdutë, kriminelë dhe mashtrues...
Qenin e shtepise tone ne fshatin S. te krahines D. spiuni-fuks , (1200 lekeshi) , E.H. e gjeti rastin per ta vrare kete qen besnik sepse nuk e lejonte kete spiun ti afrohej shtepise sone per te pergjuar naten se cfare degjoja une ne radjot e huaja . Dikush me njoftoi se qenin une do ta gjeja me zorret perjashta prapa shtepise te O.M. Shkova menjehere tek qeni te cilin e morra ne krahet e mija dhe po i flisja per gabimin qe kishte bere qe per te bere "dashuri" me nje buce ishte larguar jashte teritorit te shtepise tone . Por vura re se qeni filloj te qaje duke i rrjedhur lotet me shumice , pra sikur donte qe te me shprehte mua , nepermjet atij shikimi dhe lotimi , per gjitheshka te mire midis nesh . Pra lotet e atij qeni ishin si shprehja me e qarte e mire-kuptimit perfundimtar midis nesh .
Ahhh... shume prekse shoku. Sa mire eshte ndjere kur te ka pare.
Per ju Cudia ! Per kete qen ka shume e shume histori per te thene . Per mua dukej qarte se ai qen arinte te kuptonte se cfare une i thoja . Ky artikull ne gazete me nxiti mua qe per here te pare une te them te verteten se si ky qen qau ne ato momente te rrenda jete . Po te kujtoj dhe nje sjellje tjeter te atij qeni : Ne jeten tone fshatare , kur une me qenin largoheshim per ne mal , pulat hynin ne oborrin e shtepise . Por porsa pulat e shikonin qe po vinte ky qen largoheshin te frikesuara sepse qeni bente cmos qe te kapte me goje e tij per qafe ndonje pule , (por asnjehere nuk kafshoi apo demtoi ndonje pule) , dhe keshtu e shoqeronte jashte oborrit ate pule qe kishte mundur te kapte . Te gjithe pulat e tjera tmeroheshin nga ky veprim i atij qeni , ndersa une e veshtroja me kenaqesi kete veprim "te mencur" te atij qeni deri sa ne oborrin e shtepise nuk kishte mbetur asnje pule . Ne eksperiencen e jetes time gati 70 vjecare une kam vene re se njerezit-spiune nuk dine te qajne asnjehere , mbase kjo kategori njerezish nuk kane ndjenje keqardhje apo mirenjohje per asgje tjeter . Vd .