Te fundit
Adele debuton si aktore! Këngëtarja britanike bashkohet me yjet e Hollywood-it në filmin e ri të Tom Ford
13 Nëntor 2025, 10:28Lifestyle
TEMA
Pas një karriere të suksesshme në muzikë, Adele do të provojë talentin e saj edhe në kinematografi. Fituesja e çmimeve “Grammy” dhe “Oscar” do të debutojë si aktore në filmin e ri të Tom Ford, me titull “Cry to Heaven”.
Filmi, i vendosur në Italinë e shekullit të 18-të, tregon historinë e dy burrave – një fisnik venecian dhe një këngëtar opere, jetët e të cilëve ndërthuren në mënyrë dramatike.
Përveç Adeles, në kastin e filmit marrin pjesë emra të njohur si Nicholas Hoult, Aaron Taylor-Johnson, Colin Firth, Paul Bettany, Mark Strong, Ciarán Hinds, George MacKay dhe Thandiwe Newton.
“Cry to Heaven” është aktualisht në paraprodhim në Londër dhe Romë, me xhirimet që do të nisin në janar 2026, ndërsa premiera pritet në vjeshtën e vitit 2026.
Filmi do të shënojë rikthimin e Tom Ford në regji, i cili njihet për filmat e suksesshëm “A Single Man” (2009) dhe “Nocturnal Animals” (2016). I pari i solli Colin Firth një nominim për Oscar, ndërsa i dyti fitoi Çmimin e Madh të Jurisë në Festivalin e Venecias.
Ky rol vjen pas njoftimit të vetë Adeles se do të merrte një pushim të përkohshëm nga muzika pas përfundimit të rezidencës së saj në Las Vegas.
“Nuk kam asnjë plan për muzikë të re,” – tha ajo në korrik 2024. “Dua një pushim të madh dhe dua të bëj gjëra të tjera krijuese, vetëm për pak kohë.”
Mesa duket, ajo e ka marrë seriozisht këtë dëshirë, duke nisur një aventurë të re në botën e filmit.
Burimi: Variety
Adele will make her acting debut in “Cry to Heaven,” Tom Ford's first movie in more than a decade.
— Variety (@Variety) November 12, 2025
The fashion mogul/filmmaker will write and direct the adaptation of Anne Rice’s 1982 novel. The cast also includes Nicholas Hoult, Aaron Taylor Johnson, Colin Firth, Paul Bettany,… pic.twitter.com/MpmmrZxmAN
Më të lexuarat
24 oret e fundit
Javen e fundit
Blog Tema
Lini një Përgjigje