Te fundit
Cristiano dhe Georgina zhvendosen në shtëpinë e re, del video e pamjeve brenda vilës 10 milionë euroshe
2 Dhjetor 2024, 15:05Lifestyle
TEMA
Cristiano Ronaldo dhe e dashura e tij, Georgina Rodriguez, janë zhvendosur në një shtëpi të re në kryeqytetin saudit, Riad.
Ronaldo, i cili luan në Arabinë Saudite, së bashku me partneren e tij morën me qira një vilë të re për të banuar dhe ambientet e brendshme të shtëpisë u shpërndanë nga modelja dhe influencuesja në rrjetet e saj sociale.
Pas videos së publikuar, mediat spanjolle zbuluan se nuk bëhej fjalë për rinovimin e shtëpisë së mëparshme, por se Georgina kishte publikuar pamje nga ambienti i brendshëm i vilës së re. Është një shtëpi më e vogël dhe më e lirë se ajo ku ka jetuar deri më tani Ronaldo dhe çmimi i saj është 10 milionë euro.
Megjithatë, Ronaldo dhe Georgina nuk e blenë atë, por do të paguajnë qiranë.
Vila ndryshon nga ajo e mëparshme sepse ka një pishinë me karakteristika olimpike. Gjithashtu ka sauna, palestër, një kat ekskluzivisht me dhoma dhe katin e dytë ku janë të gjitha dhomat e tjera.
Interesante është që arkitekti i vilës është i njëjti që ka bërë shtëpinë e vjetër ku jetonin çifti që kur mbërritën në Arabinë Saudite. Vila ndodhet në lagjen më elitare të Riadit, Al Muhammadiyah.
Sa i përket detyrave të tij futbollistike te Al Nassr, Ronaldos i kanë mbetur edhe dy ndeshje deri në fund të vitit. Fillimisht nesër do të luajnë në Ligën e Kampionëve kundër Al Sadd të Katarit dhe më pas do të luajnë në derbin e Ligës Pro Saudite kundër Al Ittihad. Pushimi në Arabinë Saudite do të zgjasë një muaj dhe gara do të rifillojë më 9 janar.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ihhhhhh turp i zotit vile varfanjakesh. Shko e shiko vilen e Mones dhe Likes dhe merr shembull.
Ore shkrues! Pse nuk na tregon sa e ka qirane? Ç'na duhet ne sa kushton vila, ne na duhet vetem qiraja! Ronaldo nuk e ka blere, por do rri me qira.