Te fundit

Ndërron jetë në moshën 116-vjeçare, murgesha braziliane e cilësuar si gruaja më e vjetër në botë

1 Maj 2025, 12:04Lifestyle TEMA
Ndërron jetë në moshën 116-vjeçare, murgesha

Personi më i vjetër në botë, murgesha braziliane Ina Canabajo Lucas, vdiq dje, të mërkurën, në moshën 116 vjeç, njoftoi komuniteti i murgeshave tereziane, radhëve të të cilave ajo i përkiste dhe jetonte, në qytetin e Porto Alegre.

E lindur më 8 qershor 1908, Ina Kanabajo Lucas u njoh si anëtarja më e vjetër e njerëzimit pas vdekjes në janar në Japoni të Tomiko Itooka, gjithashtu në moshën 116 vjeç, sipas Këshillit të Kërkimeve të Gerontologjisë në SHBA (GRC) dhe LongeviQuest.

Urdhri i saj manastiror shprehu mirënjohje për "përkushtimin dhe besimin" që karakterizoi jetën e saj, ndërsa LongeviQuest, në një homazh të lidhur me të, zbuloi se Ina ishte një fëmijë e brishtë dhe shumë dyshonin nëse ajo do t'i mbijetonte viteve të para. Ajo ia atribuoi jetëgjatësinë e saj Zotit, duke thënë: Ky është sekreti i jetës. Është sekreti i gjithçkaje.

Ina Kanambaro u bë murgeshë në vitin 1934, në moshën 26 vjeç, midis dy luftërave botërore. Për ditëlindjen e saj të 110-të, ajo kishte marrë një bekim të veçantë nga Papa Françesku, i cili ndërroi jetë vetëm të hënën e kaluar në moshën 88-vjeçare.

Pavarësisht se pretendohet se ka lindur më 27 maj 1908, të dhënat zyrtare konfirmojnë datën e saj të lindjes si 8 qershor 1908, siç raportohet nga drejtori i GRG-së, Robert Young. Sipas LongeviQuest , Canabaro ishte: gruaja e 15-të më e vjetër e dokumentuar në histori dhe murgesha e dytë më e vjetër, pas Lucille Radon nga Franca, e cila vdiq në vitin 2023 në moshën 118 vjeç.

Pas vdekjes së saj, titulli i gruas më të vjetër i kalon Ethel Caterham, një banore e Surrey, Angli, e cila tani është 115 vjeç.

 

Lini një Përgjigje

Më të lexuarat

Blog Tema

Powered by Tomorrow.io