Te fundit

"Një mi e kafshoi dhe.../ Bëhet viral monologu i John Mulaney që satirizon policinë për vdekjen e Gene Hackman dhe gruas së tij

24 Prill 2025, 16:49Lifestyle TEMA
"Një mi e kafshoi dhe.../ Bëhet viral monologu i John Mulaney

I njohur për humorin e tij "të zi", John Mulaney satirizoi në mënyrën e tij rastin e vdekjes së Gene Hackman dhe bashkëshortes së tij, Betsy Arakawa, gjatë emisionit "Everybody's Live With John Mulaney" më 23 prill. Komediani 42-vjeçar hapi monologun e tij duke komentuar me humor pasigurinë e të dhënave në krime të tilla, por edhe në raste të tilla shkencore.

"Shkencëtarët tani po thonë, 'Ne besojmë se dinosaurët u zhdukën 66 milionë vjet më parë nga një asteroid. Maloni. Ju nuk e dini këtë. Ne as nuk e dimë se si vdiqën Gene Hackman dhe gruaja e tij, dhe i gjetëm trupat e tyre të mbuluar plotësisht me rroba një javë pas incidentit. Konferenca për shtyp nr. 470. Tani besojmë se një mi e kafshoi zonjën Hackman dhe ia ka mumifikuar duart. Thjesht qetësohuni. Nuk e dini se çfarë ndodhi," thotë ai në emisionin e tij në Netflix. 

Gene Hackman, 95 vjeç, dhe gruaja e tij 65-vjeçare u gjetën të vdekur në shtëpinë e tyre në Santa Fe më 26 shkurt. Aktori vdiq nga hipertensioni dhe ateroskleroza, ndërsa vuante gjithashtu nga Alzheimer, sipas raportit të mjekësisë ligjore. Autoritetet vlerësojnë se ai vdiq më 18 shkurt, ndërsa gruaja e tij, Betsy Arakawa, ka të ngjarë të ketë vdekur disa ditë më parë, më 12 shkurt.

Shkaku zyrtar i vdekjes së saj ishte Sindroma Pneumonike Hantavirus (HPS), një infeksion i rrallë dhe serioz i frymëmarrjes, i transmetuar nga kontakti me urinën, feçet ose pështymën e brejtësve të infektuar. Pamjet e publikuara nga Zyra e Sherifit të Santa Fe zbuluan një çrregullim të rëndë në shtëpinë e çiftit, ndërkohë që kishte një prani të fortë të brejtësve në zonat e jashtme të pronës. Brejtësit dhe foletë e ngordhura u gjetën në tre garazhe, dy ndërtesa dhe tre dhoma magazinimi.

Lini një Përgjigje

Më të lexuarat

Blog Tema

Powered by Tomorrow.io