Te fundit
Stili që s’e guxoi në Shtëpinë e Bardhë: Michelle Obama rrëfen lirinë që gjeti pas viteve si zonjë e parë
30 Tetor 2025, 09:06Lifestyle
TEMA
Michelle Obama ka reflektuar mbi ndryshimet e stilit të saj gjatë viteve dhe mbi arsyen pse nuk mbajti kurrë gërsheta gjatë kohës që ishte zonjë e parë në Shtëpinë e Bardhë.
Në një intervistë për revistën People, në prag të publikimit të librit të saj të ri “The Look”, Michelle zbuloi se sot e shijon lirinë për të mbajtur modelet e flokëve që i ka dashur që në fëmijëri, përfshirë edhe gërshetat, të cilat për të simbolizojnë pavarësi dhe rehati.
“Gërshetat më lejojnë t’i bëj vetë, dhe pastaj është një gjë më pak për të cilën duhet të mendoj. Kur nuk jam në sy të publikut, notoj, luaj tenis dhe ato përfaqësojnë një lloj lirie për mua”, tha ajo.
Michelle pranoi se gjatë viteve në Shtëpinë e Bardhë nuk e konsideronte të përshtatshëm këtë stil, sepse mendonte se publiku amerikan “nuk ishte gati për një zonjë të parë me flokë natyralë”.
“Nuk doja që flokët e mia të bëheshin shpërqendrim”, shtoi ajo.
Pas largimit nga Uashingtoni, ajo thotë se kishte ardhur koha për një ndryshim dhe për të përqafuar plotësisht imazhin që gjithmonë e kishte dashur.
Burimi: People
Më të lexuarat
24 oret e fundit
Javen e fundit
Blog Tema
Lini një Përgjigje