Te fundit
Transformimi i pabesueshëm i Donatella Versace-s
4 Dhjetor 2024, 14:41Lifestyle
TEMA
Ikona e modës italiane, Donatella Versace, befasoi audiencën me pamjen e saj të re gjatë premierës së muzikalit “The Devil Wears Prada” në Londër. Stilistja legjendare, 69 vjeç, u shfaq me një fytyrë të tendosur dhe rinore, duke ngjallur komente dhe spekulime për ndryshimet e saj estetike.
Shumë fansa krahasuan transformimin e saj me atë të aktores Lindsay Lohan, duke përfolur për ndërhyrje kirurgjikale delikate. Kjo nuk është hera e parë që Donatella, e njohur për stilin e saj unik dhe flokët platin, ngjall diskutime për operacionet estetike.
Në të kaluarën, ajo ka pranuar përdorimin e botoksit, por vetëm në fytyrë, duke theksuar se forma e trupit është rezultat i punës së palodhur. Transformimi i saj ka qenë i dukshëm që pas vitit 1997, kur mori drejtimin e shtëpisë së modës pas vdekjes së vëllait të saj, Gianni Versace. Ndërhyrjet kozmetike përfshijnë përdorimin e fillerave, lifting të fytyrës dhe botoks.
Donatella u shfaq në Londër me një fustan të tejdukshëm, të zbukuruar dhe çizme lëkure deri te gjuri, duke shkëlqyer në tapetin e kuq dhe në rrjetet sociale. Transformimi i saj i fundit është quajtur “përmirësimi më i madh në histori” nga ndjekësit e saj online.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
paska moter kjo ariana kalaja, nuk e dija
I mer të keqen MONËS tonë, e kemi si kukull!