Te fundit
Tri javë në flakë, anija me 3 mijë makina përfundon në fund të detit!
26 Qershor 2025, 17:59Lifestyle
TEMA
Një anije mallrash e gjatë 183 metra, e quajtur “Morning Midas” dhe e menaxhuar nga kompania Zodiac Maritime, është mbytur në ujërat ndërkombëtare të Oqeanit Paqësor, pas një zjarri që shpërtheu më 3 qershor dhe zgjati për rreth tre javë.
Anija kishte nisur udhëtimin më 26 maj nga porti i Yantait në Kinë, me destinacion Meksikën, duke transportuar mbi 3.000 automjete, përfshirë rreth 70 makina elektrike dhe 680 hibride, si dhe sasi të mëdha karburanti dhe vaji.
Sipas agjencisë AP, zjarri dyshohet se nisi në një nga kuvertat ku ndodheshin automjetet elektrike, me gjasë për shkak të baterive litium, të cilat mund të jenë përfshirë në flakë. Pamjet e para tregonin tymin që dilte nga pjesa e pasme e anijes.
Përpjekjet për të shuar zjarrin rezultuan të pasuksesshme, duke detyruar evakuimin e 22 anëtarëve të ekuipazhit.
Pas shpërthimit të zjarrit, anija mbeti në mes të detit, derisa u fundos këtë javë në një thellësi prej rreth 5.000 metrash, afërsisht 700 kilometra larg brigjeve të ishujve Aleutian të Alaskës.
Ndërkohë, autoritetet amerikane kanë deklaruar se “nuk ka ndotje të dukshme” në sipërfaqe, megjithëse rreziku mjedisor mbetet i lartë për shkak të sasisë së naftës dhe makinave të mbytura.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
per shkak te ketyre makinave elektrike udhetimi me anije eshte shume i rezikshem, po moren flake ,s'ka zjarrfikse se i shuan,
Pse nuk thua electric cars Made in China, kualitet. Çdo lloj baterie, po pësoi qark të shkurtër, nuk ndalet dot derisa të përfundojë. Po me celularin si ia bën? Apo merr me vete telefonin e shtëpisë me disk rrotullues e kabëll shtyllash.
Me celularin ësht kollaj se e ke ne dor , por me vetur elektrike ësht problem se bacteria e Tyre ësht e madhe më e madhe se bacteria e nje automjeti dhe problemi ësht se veturat elektrike ndodhen ne garazhin e trasportit te cilat jan me radh dhe esht shum e veshtir te mundesohet nderhyrja per shuarjen e zjarrit !