Te fundit
Begaj pret në takim lamtumire ambasadoren e BE-së, Hohmann: Vijoni me reformat në interes të shqiptarëve
21 Korrik 2023, 15:16Politika
TEMA
Presidenti i Republikës Bajram Begaj ka pritur këtë të premte në takimin e lamtumirës, ambasadoren e Bashkimit Evropian në Shqipëri, Christiane Hohmann.
Gjatë takimit, Presidenti Begaj çmoi rolin e Ambasadores Hohmann në detyrën e rëndësishme të përfaqësimit të delegacionit të BE-së në Tiranë.
Anëtarësimi në BE është objektivi strategjik më madhor i Shqipërisë dhe shqiptarëve dhe Hohmann erdhi në krye të delegacionit vetëm pak ditë pasi Shqipëria kishte çelur negociatat për anëtarësim me Bashkimin Evropian një vit më parë.
Në një postim në Twitter ambasadorja e BE-së tha se gjatë bisedës ishte nënvizuar rëndësia e avancimit të mëtejshëm dhe konsolidimit të zbatimit të reformave, në interes të popullit shqiptar."E falënderova për angazhimin e tij personal ndaj anëtarësimit në BE" shkruan ambasadorja Hohmann.
Në fund të takimit, Presidenti Begaj i uroi suksese znj. Hohmann në karrierën e saj.
Më të lexuarat
24 oret e fundit
Javen e fundit
Blog Tema
Lini një Përgjigje