Te fundit
Dumani kërkon hetim “peshkaqenësh” dhe jo “cironkash”: Korrupsioni me vlerë 50 mijë lekë po bllokon SPAK
18 Tetor 2023, 19:09Politika
TEMA
Çdo rast korrupsioni që e kalon shumën prej 50 mijë lekësh hetohet nga SPAK-u. Por për Altin Dumanin, kreun e Strukturës së Posaçme Antikorrupsion, kjo përkthehet në një volum të papërballueshëm pune për një ekip prokurorësh që ende janë të pamjaftueshëm për të hetuar krimin e organizuar dhe korrupsionin e funksionarëve publik.
Për këtë arsye, i kërkon ligjvënësve të shohin mundësinë e rritjes së këtij kufiri monetar.
“SPAK duhet të fokusohet vetëm në çështjet e korrupsionit të madh, ndaj kemi vendosur një limit. Shuma prej 50 mijë lekësh është një kufi që na ngarkon më shumë dhe besoj se prokuroritë e tjera mund të ushtrojnë ndjekjen penale për këto raste. Ne kemi pasur konkluzionin që ky kufi minimal duhet të jetë më i lartë”, tha Dumani.
I ftuar nga Këshilli i Integrimit për të folur për arritjet e strukturës së posaçme, kreu i saj duket i kënaqur dhe me shtimin e 12 hetuesve të rinj financiar të cilët ndjekin rastet e krimeve dhe korrupsionit financiar.
Produkt i punës së tyre është dhe rasti i parë i sekuestrimit të pasurive të një njeriu të drejtësisë, ish-anëtarit të Gjykatës së Lartë, Guxim Zenelaj.
Ai shtoi se për hetimet mbetet shumë e rëndësishme edhe teknologjia, e cila është gjithnjë në zhvillim.
“Të hetosh vepra penale të korrupsionit, të fshehjes së pasurisë të deklarimit të rremë, është shumë e vështirë. Kërkon kohë dhe burime njerëzore. Më këtë vështirësi ne hasemi përditë.
Tashmë ne kemi sektorin e hetimit financiar, ku ne delegojmë një pjesë të mirë të hetimeve që kanë të bëjnë me korrupsionin.
Metodat klasike të hetimit tashmë nuk vlejnë, kanë shumë pak vlerë në procesin e provave. Përdorimi i teknikave dhe metodave speciale të hetimit bëjnë që të kesh hetime të suksesshme”, tha Dumani.
Puna e SPAK-ut është shpeshherë objekt debati mes shumicës dhe opozitës, dhe nuk bëri përjashtim as kjo mbledhje e radhës e Këshillit të Integrimit, ku drejtuesit e tij, demokratja Jorida Tabaku dhe socialisti Toni Gogu replikuan pas deklaratave të këtij të fundit se është merita e shumicës që nuk ndërhyn në punën e SPAK-ut, edhe pse ka kërkuar arrestimin e jo pak zyrtarëve të lartë të dalë nga kjo forcë politike.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Duman,ligjvenesi t'e ka penguar t'e nisesh hetimin nga mamuthet e korrupsionit?Te vika per mbare kufiri i poshtem,si alibi ligjvenie. Apo te pengojne provat,qe jane sot e 33 vite ne mexhlis? S'qenke gje.
Prit edhe nja 10 vjet të tjera të na tregosh një realitet që duket edhe pa na "ndriçuar" ti. Hajdutët dhe korrupsioni tal bythën kurse ju ndiqni hajdutët e pulave.Bravo.Mos kerkoni rritje rroge te kapni edhe hajdutet e gjelave ?
Pse nuk di te beje llogarite ky zotnia, se kush i shkakton me shume dëme shtetit? Te ndaje njerezit e vete me short kush do merret me cfare. Apo te gjithe duan ceshtjet me shume para se atehere ju del ndonje thele e majme ketyre!!!!?
goxha bajg qiti
I kemi pare Edhe peshkaqenet e peshkaqeneve dhe bllof Kane Dale akuzat.Po ai Dumani ,i penduari i Dumaneve,ne cilen kategori futet?
Mire thote, por ndaj e kane bere keshtu, qe SPAK te merret me cironkat. Kete e ka vene ne dukje shume here edhe avokati Idajet Beqiri. Kjo eshte nje risi e mire qe vete kreu i SPAK e ve kete problem ne dukje dhe te rregullohet kjo me qellim qe hetimet e ceshtjeve te krimeve madhore te kene me prioritet dhe te kene nje ritem me te shpejte ne hetimin dhe gjykimin e tyre.
Nuk ke kohe,je duke mbushur kasafortat e tua me pare,kot nuk bere lufte per ate vend
Mashtrues qe nuk ke kurrfare lidhje me konceptin e drejtesise. Nuk ka asgje qe te ndalon te ngresh akuza per Berishen, Meten dhe familjet e tyre mafioze perveç mungesese se deshires dhe kurajos tende.