Nëntori, muaji i trashëgimisë kulturore shqiptare! Nikolla në Kanada pritet nga kreu i parlamentit të Ontarios

Me ftesë të Kryetarit të Parlamentit të Kanadasë, Kryetarja e Kuvendit, znj. Lindita Nikolla, po zhvillon një vizitë zyrtare në Kanada.

Sot Kryetarja Nikolla, e shoqëruar nga Zëvendëskryetari Agron Gjekmarkaj, anëtari i Grupit të Miqësisë me Kanadanë  Eduard Ndreca dhe Ambasadori i Shqipërisë në Kanada Ermal Muça,  u pritën në Toronto nga Kryetari i Asamblesë Legjislative të Ontarios, z. Ted Arnott.

Kryetarja Nikolla vlerësoi marrëdhëniet shumë të mira dypalëshe mes Shqipërisë dhe Kanadasë, intensifikimin e bashkëpunimit parlamentar dhe vuri në dukje se ky bashkëpunim mund të rritet e zgjerohet edhe me Ontarion. “Janë të gjitha mundësitë që mes Shqipërisë dhe Ontarios të ndërtojmë një bashkëpunim të shkëlqyer politik, parlamentar, ekonomik, arsimor dhe kulturor, duke përfituar edhe nga prezenca e komunitetit shqiptar aktiv e dinamik në Provincë, si një urë bashkëpunimi e miqësie  mes Shqipërisë dhe Kanadasë. Përcaktimi me ligj i nëntorit si Muaji i Trashëgimisë Shqiptare në Ontario është një shenjë e kontributit ekonomik, kulturor e social të diasporës shqiptare dhe premisë e mundësive e të gjera të këtij bashkëpunimi. Bashkëpunimi mes Kuvendit dhe Dhomës së Komuneve të Kanadasë dhe Asamblesë Legjislative të Ontarios do ta nxisë e mbështesë bashkëpunimin ekonomik, arsimor e kulturor.”, theksoi znj. Nikolla.

Kryetari i Asamblesë Legjislative të Ontarios, z. Ted Arnott, pasi shprehu vullnetin për bashkëpunimin me Kuvendin, vuri në dukje disa  përvoja të suksesshme të Asamblesë mbi lidhjen me zgjedhësit, rritjen e pjesëmarrjes së grave në jetën parlamentare  dhe edukimin demokratik të rinisë, nëpërmjet pjesëmarrjes në proceset parlamentare. Kryeparlamentari Arnott vlerësoi lart kontributin e komunitetit shqiptar në Ontario  nga qytetarët dhe institucionet e Provincës, veprimtaritë e larmishme kulturore gjatë muajit nëntor si Muaji i Trashëgimisë Shqiptare dhe për intensifikimin e bashkëpunimit me Kuvendin. Asambleja do të nxisë investitorët nga Ontario të investojnë në Shqipëri në sektorët e bujqësisë, përpunimit të ushqimeve, industrive nxjerrëse, arsimit etj.

Kryeparlamentarët Nikolla dhe Arnott diskutuan edhe mbi vlerat e përbashkëta dhe qëndrimet e njëjta të Shqipërisë dhe Kanadasë ndaj zhvillimeve të fundit në Kosovë, dialogun mes Kosovës e Serbisë, luftën në Izrael, mbështetjen e Ukrainës etj.

Bujar Leskaj: Të vetëflijohemi si Pjetër Arbnori. Berisha e kundërshton: Mjafton një letër për të huajt. Përplasjen e lëmë në fund

17:16 Politika 42 komente

Mbledhja me dyert të mbyllura, Berisha: Na ka rënë zjarri në shtëpi, më keq se në ’97-ën! Tritan Shehu: Aman na rehabilitoni se mbetëm rrugëve

17:06 Politika 22 komente

Etilda Gjonaj zgjidhet Raportuese e Përgjithshme për dhunën ndaj grave në Asamblenë Parlamentare të KE-së

16:09 Politika 1 koment

Presidenti kroat në Kuvend: Shqipëria duhet të jetë në BE

16:00 Politika

FOTOT/ Rama ndan pamje nga takimi me presidentin e Kroacisë: Kënaqësi të mikprisja sot mikun e shquar të shqiptarëve

15:34 Politika 6 komente

Zbardhen diskutimet brenda mbledhjes me dyer të mbyllura/ Bardhi kërkon të bllokojë Parlamentin! Berisha Më mirë t’u shkruajmë...

13:40 Politika 35 komente

“Nuk e di çfarë duhet të bëj tjetër Shqipëria për të qenë në BE”, presidenti kroat: Vuçiç duhet të përgjigjet për sulmin në veri të Kosovës

12:53 Politika 15 komente

Rama mbledh grupin e Partisë Socialiste, zbardhen porositë për deputetët

12:44 Politika 1 koment

Sulmi ndaj spitalit në Gaza, Rama: Tronditëse, nuk ka asnjë justifikim! Të plagosurit nuk preken, të zbulohen autorët

10:31 Politika 13 komente

Presidenti kroat vizitë dy ditore në Shqipëri, zbardhet axhenda

10:07 Politika