Te fundit
“Inkurajuese sesi BE kalon shpejt nga fjala në vepra”, Rama: Na ka shoqëruar të dalim nga e shkuara e të bëjmë një shtet demokratik funksional
15 Tetor 2023, 16:50Politika
TEMA
Kryeministri Edi Rama doli në një konferencë për mediat së bashku me presidenten e Komisioni Europian, Ursula Von Der Leyen, për të folur në lidhje me çeljen e një faqeje të re për arsimin në vendin tonë, siç është hapja e degës së re në Tiranë të Kolegjit prestigjioz Europian të Bryzhit.
Rama u shpreh se është inkurajuese që të shohësh sesi kalohet nga fjalët te veprat, teksa shtoi se vendi ynë duhet të ndihet i bekuar që ne rrethohemi në BE, pasi na ka ndihmuar që të bëjmë një shtet demokratik dhe funksional.
''Është inkurajuese të shohësh BE të kalojë shumë shpejt nga fjalët në vepra, por është inkurajuese dhe më duhet të them se kjo është diçka që e kemi përjetuar këto viteve fundit falë përkushtimit të presidencës e cila na ka shoqëruar në momente kaq të errëta si prsh tërmeti shkatërrimtar tronditi Shqipërinë.
Mund të them se pa të rrugëtimi ynë për tu ringritur dhe për të ndërtuar nga e para më mirë do të kishte qenë i pamundur. Dua të nënvizoj, se sa e rëndësishme është kjo nismë që merre jetë sot brenda një kohë shumë të shkurtër. Priremi të mendojmë se Europa ka të bëjë me ekonominë, me financimin, të gjitha këto gjëra janë të vërteta, pro Europa ka të bëjë me dijen, me të mësuarit sesi të gjitha problemet që kemi shkaktuar nga e shkuara, ti transformojmë. Mendoj sa të bekuar jemi që jetojmë në këtë vend e që rrethohemi nga BE.
Askush nuk mund tu mësojë vendeve që gjenden në pjesë të tjera të botës që duan të ecin para duke transformuar shtetet e tyre. BE është më i miri, që e bën këtë. Askush nuk mund ta shoqërojë një vend që të dalë nga e shkuara e vet dhe të sigurojë një shtet demokratik e funksional për shtetasit e vet siç bën BE. Nuk ka asnjë mësues që t’i bën nervat copë si BE.
Kolegji është në pararojë të kësaj, por s’ka rrugë tjetër. ky kolegj është më shumë sesa një universitet që vjen nga jashtë e bëhet pjesë e sistemit tonë për të ofruar më shumë mundësi. Kjo përveç kësaj është edhe një mësim më i thelluar për BE-në. Mendoj se kemi të drejtën të jemi të lumtur dhe më shumë të më tepër të rinj shqiptarë sesa 31 të tillë janë të prirur e duan të jenë pjesë e tij'',- tha Rama.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Edhe ju e keni shpërblyer duke e furnizuar me hashash dhe kokainë me cilësi të lartë.
Hahaha, do jape 15 bursa per te studiuar ne Tiranw per 3 vjet., dmth 5 bursa ne vit.. ksaj i thone tallje ..,por KM eshte i kenaqur qe Brukseli e mban fjalen per te ndihmuar Shqiperine..,dhe kjo eshte merite e tij.. Parate do i marrin perseri evropi me pedagoget qe do sjell.. Turp turp turp.. se ato bursa i jep dhe Kastrati dhe Irfani...spo them edhe ata qe mariin parate e inceneratorve..hahaha
Fitoreeeeee BE na ka ndihmuar per te bere nje shtet "Demokratik" ku edhe Policia e shtetit eshte pjese e Bandave kriminale dhe e Kar-televe te droges.
Mos ja fut kot. Rama do te beje shtet demokratik funksional?! Kryeministri me i korruptuar dhe me i inkriminuar ne europe pretendon te demokratizoje vendin, bashke me veliajn e bashkise. E paimagjinueshme edhe per me optimistet, kur sheh vetem nepotizem, meritokraci-zero, emigrim masiv nga varferia dhe humbja e shpreses, korrupsion stratosferik, bashkepunimi pushtet-krim si asnjehere me pare, nenshtrim i medias etj. U arrit deri te korruptimi i agjentit te fbi-se. E vetmja gje qe ka njohur zhvillim marramendes eshte propaganda dhe fasada.