Te fundit
Mbyllet cikli i Metës, Kuvendi mblidhet më 24 Korrik për betimin e Bajram Begajt si president
4 Korrik 2022, 16:49Politika
TEMA
Kuvendi i Shqipërisë do të mblidhet më 24 Korrik në një seancë për betimin e presidentit të zgjedhur Bajram Begaj.
Vendimi është marrë në mbledhjen e sotme të konferencës së kryetarëve. Në mbledhje është përcaktuar programi i punës për periudhën 4 – 29 korrik 2022 dhe kalendari i punimeve për periudhën 11 – 29 korrik 2022.
Seanca ku do të betohet Bajram Begaj do të jetë e fundit për këtë sesion parlamentar. Po ashtu sot është vendosur të propozohet shtyrja e afatit të veprimtarisë së Komisionit të Posaçëm Parlamentar për Reformën Administrative-Territoriale në Republikën e Shqipërisë deri në 30 shtator 2022.
Ish-Shefi i Shtabit të Përgjithshëm të Forcave të Armatosura, Bajram Begaj, u zgjodh presidenti i ri i Republikës me propozimin dhe mbështetjen e mazhorancës socialiste.
Ai dha dorëheqjen nga funksioni dhe gradat ushtarake vetëm pak orë para zhvillimit të seancës plenare më 4 qershor ku me 78 vota pro, 4 kundër dhe 1 abstenim u zgjodh presidenti i ri i vendit.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Cikli i Ilir Metes mbyllet vetem ne Rec bashke me Vampirin e Vicidolit.