Ministrja Xhaçka: Turqia partnere kyçe për Shqipërinë dhe gjithë rajonin

Ministrja për Europën dhe Punët e Jashtme, Olta Xhaçka, ka zhvilluar një vizitë zyrtare në Ankara me ftesë të homologut të saj, Ministrit të Punëve të Jashtme të Turqisë, Mevlüt Çavuşoğlu.

Ministrja Xhaçka vlerësoi bashkëpunimin e ngushtë mes dy vendeve dhe rolin e Turqisë në rajonin tonë, teksa theksoi se bashkëpunimi rajonal mbetet çelësi për përballimin me sukses të kërcënimeve ndaj sigurisë.

“Jemi shumë të kënaqur që intensifikimi i dialogut politik është shoqëruar me një rritje domethënëse të bashkëpunimit dypalësh. Sot diskutuam konkretisht mbi bashkëpunimin në fushat e ekonomisë dhe tregtisë. Vërejmë me kënaqësi se në vendin tonë ka një trend të vazhdueshëm, pozitiv dhe në rritje të investimeve turke. 

Aktualisht kemi arritur nivelin e 800 milionë dollarëve në vëllimin tregtar, që është shifër goxha domethënëse, por që e dimë se nuk pasqyron realisht potencialin që ekziston mes vendeve tona.

Megjithatë, ne e shikojmë të ardhmen me optimizëm, të inkurajuar nga projektet të reja te investimeve, që tashmë janë duke u zhvilluar në sektorët e infrastrukturës dhe energjisë”, tha kryediplomatja shqiptare në deklaratën e përbashkët për shtyp.

Ministri Çavuşoğlu përshëndeti nisjen e negociatave Shqipëri-BE dhe vlerësoi përpjekjet e vendit tonë në bashkëpunimin rajonal. Sipas tij, Turqia do të vazhdojë mbështetjen ndaj Shqipërisë për zhvillimin e kapaciteteve të sigurisë dhe mbrojtëse të saj.

“Jemi të kënaqur që Shqipëria ka nisur negociatat e anëtarësimit me BE. Vendi juaj është anëtar jo i përhershëm i Këshillit të Sigurimit të OKB-së në një kohë të vështirë. Ne vlerësojmë përpjekjet e Shqipërisë në bashkëpunimin rajonal dhe kemi mbështetur e do të vazhdojmë të jemi gjithmonë pranë Shqipërisë vëllazërore”, u shpreh Ministri Çavuşoğlu.

Në vitin 2023, Shqipëria dhe Turqia shënojnë 100-vjetorin e vendosjes së marrëdhënieve diplomatike.

Edi Paloka: Grupi i Alibeajt kërkoi eleminimin e e strukturave tona, ne s'mund të pranonim

19:11 Politika 2 komente

Sali Berisha: Kush guxon të më marrë PD-në, s'i ka bërë mirë hesapet

18:47 Politika 64 komente

Edi Rama nga Korça: Opozita është e zhytur ne thesin e rublave

18:38 Politika 11 komente

Sokol Balla kalon tek Report TV, pas largimit nga Top Channel

18:17 Politika 29 komente

Kufizimi politik i kandidatëve të çiftit Berisha-Meta!

18:10 Politika 3 komente

Edvin Kulluri akuzon Belind Këlliçin dhe Edi Palokën: Si mund të bashkëjetojnë në një parti këta të dy, kur kanë vjedhur vota për Lulzim Bashën?

17:46 Politika

Belind Këlliçi: Gerti është djalë i mirë, por unë kam bërë burg për Tiranën. E meritoj të fitoj

17:24 Politika 44 komente

ZYRTARE: Dështojnë negociatat për bashkimin e PD

17:20 Politika 15 komente

Ministrja çon në Komision shifrat buxhetore për rininë, Duma ndërpret seancën dëgjimore

15:34 Politika 1 koment

Jorida Tabaku del kundër bashkëpunimit me Metën: Berisha po përsërit të njëjtat gabime

15:25 Politika 9 komente