Te fundit
Rezoluta anti-korrupsion, Xhafaj: Edhe politika duhet të bëjë armëpushim kur flitet për një kauzë që mund të kurojë plagë 30-vjeçare
27 Maj 2024, 14:35Politika
TEMA
Deputeti i Partisë Socialiste, Fatmir Xhafaj në fjalën e tij në seancën plenare ku po prezantohet projektrezoluta e PS-së anti-korrupsion, ndër të tjera është shprehur se beteja për korrupsionin ka qenë një nga zotimet e tij në fushatën e vitit 2021.
Sipas tij, Shqipëria 2030 e gjeneratës evropiane nuk do jetë aq larg nëse rezultatet e këtij projekti do të ofrojnë stacione shprese. Ai shtoi se i vjen keq që reagimi i parë në lidhje me këtë rezolutë ka qenë balta, pasi sipas tij për kauza të tilla edhe politika bën armëpushim.
“Fushata e 2021 mbetet një moment i rëndësishëm i karrierës politike, ku derë më derë me zgjedhësit e mia dhe dritare më dritare mediatike, mbështeta kërkesën për votë për angazhimin publik për 3 beteja kyçe: Risia, anti-korrupsioni dhe Rinia.
Isha bindur se nëse vota e tyre do të më sillte sërish në këtë sallë do t’i përkushtohesha me gjithë energjinë këtyre betejave. Qysh në nisje të kësaj legjislature, fjalën e parë në këtë foltore ia kushtova pikërisht nevojës së domosdoshme të marrjes së hapave që synonin thellimin të mëtejshëm të reformave shtet formuese.
Kjo është arsyeja se pse e mbështes fort këtë rezolutën, e cila vlerëson nismat dhe mekanizmat e deritanishme dhe rezultatet e arritura dhe i hap rrugë reformave që qytetarët presin për ndryshim për të ardhmen që ata na kanë besuar, ku Shqipëria 2030 e gjeneratës së re evropiane nuk ngjan si destinacion i largët nëse çdo ditë rezultatet e këtij projekti do të afrojnë stacione shprese.
I keq ardhur që balta ka qenë reagimi i parë, pasi edhe politika duhet të bëjë armëpushim kur flitet për një kauzë që mund të kurojë plagë 30 vjeçare, duke u bashkuar dhe jo duke u ndarë , duke folur me zërin e arsyes dhe jo dëshpërimin politik, duke pasur vullnet për punë dhe jo luftë ndaj njëri tjetrit, tymi i së cilës ka sjellë verbëri për të parë hallet e vërteta të qytetarëve”, deklaroi Xhafa.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nje prokuror eshte perjashtuar si prokuror se kishte kontakt te papershtatshem me vellain e Xhafes, denuar ne Itali per trafik droge, ndersa vete Xhafa jep leksione mbi drejtesine.
Miliarder dhe hipokrit.
Ky eshte plehra qe e ka degjeneruar sistemin e drejtesise per 30 vjet, dhe ben propagande per rezolute per rregullimin e sistemit te drejtesise.
Jeni fisnik Fat Mir! Snqerisht.