Te fundit
Rama flet për mediat greke: Keqinformim për pronat në Himarë. Keqardhje për zhurmën “Beleri”
4 Nëntor 2024, 16:30Politika
TEMA
Kryeministri Edi Rama pas takimit me shqiptarët e Selanikut në Greqi, mbajti një konferencë për shtyp për mediat vendase, me fokus çështjen e pronave në Himarë, minoritetin grek në Shqipëri dhe çështja e Fredit Beleri.
"Para së gjithash, besoj se ka një keqkuptim total për pronat në Himarë, dhe ka shumë dezinformata në lidhje me çështjen e pronës, sepse nuk ka një gjë të tillë si problem specifik të pronave atje.
Ka një çështje në gjithë Shqipërinë për pronat, të cilën po e përballojmë çdo ditë dhe po përparojmë. Dhe në fakt me kryebashkiakun e ri të Himarës po bëjmë shumë punë të mirë dhe brenda pak javësh do të përfundojmë regjistrimin e të gjitha shtëpive në të gjithë bashkinë.
Kështu që gjithçka që kam lexuar, dhe kam lexuar shumë marrëzi në mediat greke për shpronësimet, apo disa devijime, nuk bazohen në fakte.Kjo është thjesht propagandë”, është shprehur kryeministri Rama lidhur me pyetjet për pronat në bashkinë e Himarës.
Ndër të tjera, ai nënvizoi se pritet një marrëveshje mes kadastrës së Shqipërisë dhe asaj të Greqisë që po përparon në dixhitalizimin e kadastrës së saj dhe shkëmbimi i përvojës do të jetë shumë i rëndësishëm edhe për palën shqiptare.
Ndërsa për minoritetin grek në Shqipëri, Rama tha se ai është konsideruar gjithmonë si një urë lidhëse shumë e rëndësishme mes Athinës dhe Tiranës.
I pyetur për eurodeputetin Fredi Beleri, Edi Rama ka theksuar se ka një këndvështrim që ndryshon nga ai i Greqisë.
"Drejtësia në Shqipëri është e pavarur dhe askush nuk mund të ndërhyjë në të, as qeveria shqiptare, as qeveria greke dhe sistemi i drejtësisë shqiptare ka marrë një vendim. Pra, ky vendim nuk është për diskutim, është vetëm për zbatim.
Dhe një tjetër lajm i rremë është se unë refuzoj të takohem me të, sepse kjo nuk është e vërtetë. Unë thjesht nuk kam takime me eurodeputetët dhe kaq.Nuk i kam takuar europarlamentarët, jo tani, por as në të kaluarën”,- u shpreh ai.
Për më tepër, numri një i qeverisë shqiptare tha se ndjen keqardhje që një çështje e tillë të shndërrohej në problem mes dy vendeve.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
NUK JENI I SINQERTE ZOTI RAMA...JU SI EDI RAMA KRYEMINISTER VERTET QE NUK UA MORRET FIZIKISHT PRONAT HIMARIOTEVE (DHE ME CUDIT FAKTI QE SHQETESOHENI ME SHUME PER ATA DHE JO GJITHE BREGDETIN JUGOR)POR ME THONI SA LEJE NDERTIMI KENI DHENE PER GJITHE BREGDETIN QE NGA VITI 2020...NEN MOTON TE MONITOROJME NDERTIMET KAOTIKE ....ZEROOOOO...DHE SA NDERTIME KENI FIZIKISHT NE E GJITHE BREGDETIN ...QINDRA....PRA MBASE ME DESHIREN E MIRE TE DISIPLINIMIT TE NDERTIMEVE NDOQET RRUGEN E GABUAR DHE DEKURAJUAT POPULLIN I CILI U VU NE PARA DY OPSIONEVE ...OSE MBAJE PA NDERTUAR OSE MA JEP MUA QE ME JAPIN LEJE NDERTIMI.....KJO ZOTI KRYEMINISTER NUK ESHTE SHUME LARG VRASJEVE TE 21 JANARIT ....KU PLAKU SALI THOTE UNE NUK KAPA PISTOLETE ME DORE NE 21 JANAR...
Si e di ti ligjin e prones? Kam nje toke une ne bregdet, dhe Edi do i japi leje te ndertoje kasolle? Zonat turistike kane ca parametra, eshte bere nje plan ndertimi. Ne ato zona jane percaktuar llojet e hoteleve dhe resorteve qe do ndertohen. Nqse ke para, kerko lejen per hotel, ne te kundert, do e shesesh te ndertoj ai qe ka parate. Nqse nuk do, mbaje, mos e shit. Me mendjen tuaj, bregdeti do ndertohet kur te gjejne para pronaret e tokave. Me mendjen tuaj Karaibet do beheshin ato qe jane kur te beheshin te pasur vendasit, nderkohe qe mrekullite i kane ndertuar Amerikanet, Spanjollet, Anglezet, dhe Karaibet jane perla te Botes Turizmit, nderkohe edhe vendasit perfitojne nga keto investime..
Ik o Ram ,SE le nam me sqarime,,,je ber bajat ,,,