Te fundit
Samiti i BE në Tiranë, Michel: Ditë historike! E ardhmja e fëmijëve është më e sigurt me Ballkanin Perëndimor brenda BE-së
6 Dhjetor 2022, 16:15Politika
TEMA
Presidenti i Këshillit Europian, Charles Michel ka folur në konferencën e përbashkët me kryeministrin Edi Rama dhe presidenten e Komisionit Europian, Ursula Von der Leyen.
Ai theksoi se e ardhmja e fëmijëve është më e sigurt dhe më e begatë me Ballkanin Perëndimor brenda BE-së.
“Do të filloj duke falenderuar ngrohtësisht Ramën për mikpritjen. Mbledhje historike ku shkruam historinë. Shkruajmë historinë sepse për herë të parë u organizua në Ballkanin Perëndimor.
Kjo mbledhje e sotme është deklarata që shoqëron punimet tuaja. Është e rëndësishme sepse përmban hapa shtesë në rrugën e integrimit. Kam pak emocion që jam në këtë tribunë në Tiranë. Besoj se e ardhmja e fëmijëve tanë do të jetë më e sigurtë dhe më e begatë me Ballkanin Perëndimor brenda BE”, u shpreh Michel.
Sipas Michel, BE duhet të përforcojë kapacitetin për të përforcuar tregun e përbashkët rajonal.
“Ideja e roaming është një hap përpara në vijim të samitit të Brdos ku lindi kjo ide”, tha ai.
Më tej, Michel shtoi se ka progrese konkrete për të përballuar pasojat e luftës ruse në Ukrainë.
“Progrese kronkrete janë realizuar për të përballuar së bashku pasojat negative të sulmit të Rusisë ndaj Ukrainës. Kjo luftë ka pasur pasoja të rënda në energji, në fushën ekonomike dhe në fushën e furnizimit me ushqim”, theksoi ai.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
po per faqen e baces s'na the gje o qeros