Te fundit
Spiropali: Kamza foli qartë, fort dhe pastër! Votat e Kamzës janë vota zemre
13 Maj 2025, 14:53Politika
TEMA
Elisa Spiropali, drejtuesja politike e qarkut të Tiranës ka reaguar pas rezultateve zgjedhore në Kamëz, duke i cilësuar ato si një sinjal të qartë mbështetjeje për Partinë Socialiste dhe për punën e bërë në këtë bashki ndër vite.
Ajo falënderoi strukturat e Partisë Socialiste, aktivistët dhe qytetarët, duke theksuar se mbështetja ka ardhur "pa dallim partiak apo prejardhjeje".
“Vota e Kamzës foli qartë, fort dhe pastër. Askund më shumë se në Kamëz, kjo diferencë shigjetash elektorale nuk qëndron kaq kontrastuese, si dëshmi se vota është fryt i punës e i transformimeve të jashtëzakonshme, shërbimeve për qytetarët, projekteve dhe investimeve që e kanë ndryshuar rrënjësisht këtë vend që deri para pak vitesh konsiderohej moçal infrastrukturor e elektoral.
Mirënjohje për punën e palodhur të strukturave të Partisë Socialiste, aktivistëve, simpatizantëve, qytetarëve që na kanë mbështetur pa dallim partiak, a dallim prejardhjeje. Votat e Kamzës janë vota zemre.
E gjitha na frymëzon e na detyron për punë edhe më të mira për Kamzën! Faleminderit!”, shkruan Spiropali.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Elisa mos ke pare ndonje hender me sy hapur ne dielle por une e di qe kamza drejtohet nga PD-ja.moj zonje