Gjykata turke shuplakë Erdogan: Hedh poshtë çështjen për shkarkimin e liderit të opozitës

Një gjykatë turke ka hedhur poshtë një çështje që synonte të largonte nga detyra kreun e partisë më të madhe opozitare në vend, duke shkaktuar një rritje të ndjeshme në bursë. Financial Times shkruan se, indeksi kryesor i Bursës së Stambollit u rrit me më shumë se 4 për qind pasi një gjykatë në Ankara rrëzoi padinë kundër Partisë Popullore Republikane (CHP), çka u interpretua nga investitorët si një shenjë e uljes së tensioneve politike në vend.

Çështja, e ngritur në shkurt, kishte në qendër pretendimet për parregullsi në kongresin e CHP-së në vitin 2023, ku u zgjodh Özgür Özel si kryetar i ri. Nëse padia do të kishte pasur sukses, Özel do të ishte zëvendësuar dhe partia do të përballej me kaos të brendshëm.

Kritikët e qeverisë e panë këtë si pjesë të një fushate më të gjerë shtypjeje ndaj partisë së themeluar nga Mustafa Kemal Atatürk, udhëheqësi themelues i Turqisë. CHP-ja është përballur me presion të madh që nga arrestimi në mars i kryebashkiakut të Stambollit, Ekrem İmamoğlu, kandidatit të saj presidencial, me akuza për korrupsion.

Arrestimi shkaktoi protestat më të mëdha në rrugë në një dekadë, pasi mbështetësit e CHP-së e panë si një tjetër dëshmi se Presidenti Recep Tayyip Erdoğan po e shtyn Turqinë drejt një rruge gjithnjë e më autokratike.

Në një intervistë për Financial Times muajin e kaluar, Özel akuzoi qeverinë për një “grusht shteti ligjor” ndaj partisë së tij, e cila vitin e kaluar i dha një goditje të rëndë Partisë për Drejtësi dhe Zhvillim (AKP) të Erdoganit në zgjedhjet lokale, duke fituar 38 për qind të votave.

Kritikët e akuzojnë Erdoganin, i cili ka dominuar skenën politike të vendit anëtar të NATO-s për më shumë se dy dekada, se po bëhet gjithnjë e më autokrat. Shumë turq dyshojnë se ai synon të zgjasë sundimin e tij presidencial përtej dy mandateve që lejon aktualisht kushtetuta. Zgjedhjet e ardhshme janë planifikuar për vitin 2028.

İmamoğlu, i cili i ka mohuar akuzat ndaj tij, konsiderohet gjerësisht si sfiduesi më serioz politik ndaj Erdoganit. Qeveria këmbëngul se gjykatat e vendit janë të pavarura dhe se çështjet nuk janë të motivuara politikisht.

Ali Ahmeti flet 3 ditë pas zgjedhjeve vendore: Duhet të ketë zgjedhje të parakohshme

15:41 Rajoni 2 komente

Çfarë ndodh nëse Kurti s’arrin ta propozojë Qeverinë deri të dielën?

13:44 Rajoni 3 komente

Wesley Clark konfirmohet si dëshmitar në mbrojtjen e Thaçit

12:40 Rajoni 3 komente

Pse Bosnja e kundërshton lëvizjen pa viza me Kosovën?

11:03 Rajoni 6 komente

Vuçiç: Serbia ka shanse të bëhet anëtare e BE-së para vitit 2030, por pavarësinë e Kosovës nuk do ta pranoj

10:31 Rajoni 9 komente

Maqedonia e Veriut, a po rrëshqet nga projekti europian në korniza etnike?

07:50 Rajoni 3 komente

Starmer: Ballkani vendi ku vendoset siguria e kontinentit

21:01 Rajoni 1 koment

Incidenti në Beograd: A i shkeli shteti ligjet me publikimin e të dhënave për të dyshuarin?

19:09 Rajoni

"Albin Kurti është në armiqësi të hapur me historinë e UÇK-së" - Fatos Klosi: Si u justifikua për të mos marrë pjesë në luftë

17:50 Rajoni 74 komente

Çfarë ndodh nëse Kosova nuk e miraton në kohë buxhetin e vitit të ardhshëm?

16:20 Rajoni 3 komente