Te fundit
Hetimet për rezervat shtetërore, ministrja Hajdari sulmon drejtësinë: Procesi jo i ligjshëm
31 Korrik 2025, 15:33Rajoni
TEMA
Ministrja e Kurtit, Rozeta Hajdari, ndryshe nga shefi i saj që nuk pyet për institucionet e drejtësisë, është paraqitur edhe këtë të enjte në zyrat e Prokurorisë Speciale.
Ajo përfundoi aty marrjen në pyetje në lidhje me hetimet për rezervat shtetërore, një çështje që shpërtheu si skandal publik në gusht të vitit 2023, kur disa zyrtarë të kësaj ministrie përfunduan në pranga për dyshime për keqpërdorim te detyrës dhe abuzim me fondet e rezervave.
Pas intervistimit, Hajdari reagoi ashpër ndaj mënyrës së zhvillimit të hetimeve dhe nuk harroj te uslmonte organet e drejtesise.
“Sot isha e ftuar nga Prokuroria Speciale për intervistë, për kontraktimin e rezervave shtetërore proces jetik për të gjithë ne, proces i rëndësishëm për popullatën tonë. Ministria ka bërë blerjen e rezervave shtetërore në kohën kur ishim të pambrojtur, në shkurt 2022 dhe mars 2022.
Për këtë proces jetik tani pyetem nga Prokuroria Speciale, por një pyetje vjen se a është ky proces i ligjshëm dhe si prokuroria hyri në ministri për të marrë dokumente të klasifikuara si sekret të rezervave shtetërore. Asnjë person nuk mund të ketë qasje në rezervën klasifikuar sekret pa një procedurë të qartë ligjore sipas udhëzime të AKI-së dhe Agjencisë për mbrojtje të klasifikuara.”
Ajo nuk është treguar e kursyer as ndaj prokurorit të cështjes.
“Më vjen turp edhe për veprimet e Gashit për shkeljen e ligjit. Për më shumë, ne si ministri kemi inicuar një hetim të Agjencisë për Parandalimin e Korrupsionit për të inciuar një hetim dhe për të ardhur në konstatim të kësaj shkeljeje të këtij konflikti të interesit, sepse e kemi te dokumentuar në raportin e Inspektoratit Policor në emailin e dokumentar, ku prokurori Gashi pranon konfliktin e interesit për të shqyrtuar këtë raport të IP-së, për më keq Prokuroria Speciale vetë i njëjti prokuror mbyll rastin. Unë e di që pas këtij hetimi nga Agjencia për Parandalimin e konfliktit ne do të përballemi në gjykatë.”
Po teksa parlajmeronte perballjen ne gjykate ministrja e Kurtit nuk shfaq asnje shenje pendimi per shkeljen e ligjeve ne kurriz te qytetareve dhe abuzim me rezervat shteterore, njejt si eproret apo koleget e saj ne Vetevendosje.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravos, HAJDARE e VV me në krye me KM. Kurti dhe mafiozët analfabet funksional dhe me ministra super të korruptuar. Kështu e luftoni për vete dhe po fundosni vendin qe 5 vite në të gjitha lëmit e jetës . Mos bëni derte, ne qytetarët paguajmë plaçkën me paga dhe pensione të mjerueshme, me çmime tre fish më të larta, dhe jetojmë me sanksione e izolim, me nepotizëm dhe pa miq e aleatë të bashkësisë demokratike botërore; SHBA-n, BE-n dhe vendit amë Shqipërinë që na ndihmuan dhe po ndihmojnë të mos fundosemi në histeri diletant politike. Prandaj vidhni dhe hajnin shpalleni sektet shtetëror . AFERIM