Te fundit
Kryeministri i Serbisë: Jemi të gatshëm të bëjmë kompromise me Kosovën, por me një kusht
25 Qershor 2024, 19:42Rajoni
TEMA
Serbia është e gatshme për “marrëveshje dhe kompromise” në bisedime me Kosovën, tha kryeministri i Serbisë, Millosh Vuçeviç, për agjencinë AFP-në. Këtë deklaratë, Vuçeviç e dha një ditë para se kryeministri i Kosovës, Albin Kurti, dhe presidenti i Serbisë, Aleksandar Vuçiç, të takohen për një rund të ri të dialogut për normalizimin e raporteve, që ndërmjetësohet nga Bashkimi Evropian.
“Ne jemi të gatshëm të bëjmë marrëveshje dhe kompromise, që nënkuptojnë se asnjëra palë të jetë fituese absolute apo humbëse absolute, por që Serbia dhe shqiptarët duhet të jetë të kënaqur më mënyrë të barabartë, apo thënë më mirë të pakënaqur në mënyrë të barabartë”, tha Vuçeviç.
“Gjithçka tjetër nuk është dhe nuk mund të ketë qëndrueshmëri afatgjatë”, shtoi ai.
Për herë të fundit, Kurti dhe Vuçiç u takuan në Bruksel më 14 shtator të vitit 2023, kur diskutuan për zbatimin e Marrëveshjes në rrugën drejt normalizimit të raporteve, por ky takim rezultoi pa ndonjë përparim, për shkak të qëndrimeve kontradiktore të palëve. Më 25 qershor, Kurti deklaroi për gazetarët në Prishtinë se në takimin në Bruksel do të diskutohet për gjendjen e këtij procesi dhe në rrugën përpara.
Ai po ashtu tha se Marrëveshja në rrugën drejt normalizimit të raporteve e bën të mundur normalizimin e raporteve mes Kosovës dhe Serbisë “me njohjen de facto në qendër”. Kurti akuzoi Serbinë për moszbatim dhe shkelje të kësaj marrëveshjeje. Kjo marrëveshje – e cila u arrit vitin e kaluar – nuk është nënshkruar nga palët, por BE-ja thotë se ligjërisht e obligueshme për Kosovën dhe Serbinë. Kosova kërkon që të nënshkruhet marrëveshja, por Serbia deri më tani ka refuzuar një gjë të tillë.
Marrëveshja prej 11 nenesh, ndër tjerash parasheh edhe një nivel të vetëmenaxhimit për komunitetin serb në Kosovë dhe njohje të ndërsjellë të simboleve shtetërore, ndërsa kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të arritura gjatë dialogut.
BE-ja – e cila që nga viti 2011 ndërmjetëson dialogun për normalizimin e raporteve mes Kosovës dhe Serbisë – ka kritikuar palët për moszbatimin e marrëveshjes.
REL
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
BE-ja i ka kritikuar te dyja palet, por sanksionet i ka vene vetem kunder Kosoves. A nuk perben ky veprim standart te dyfishte te Europes ne trajtimin e te dy shteteve? Nese Europa vazhdon te perkedhele vandalet e Europes, sic kane qene, jane dhe do te mbeten serbet, asnjehere nuk do kete normalizim te marrdhenieve te Serbise me Kosoven apo me fqinjet e tjere te saj.
Menyra e vetme qe te kenaqemi te dy njesoj eshte te ndryshojme kufijte. Veriut i Mitrovices ti jepet Serbise, Presheva t'i jepet Kosoves dhe Kosova ti bashkohet Shqiperise. Serbise le ti bashkohet Republika Serbska, fundja territor i veti eshte.
Shto dhe Sanxhakun ti jepet kosoves e atehere ec ketu e bej propozime te tilla...
Qyteti shqiptar Nish ne vitin 1878 iu fha padrejtesiht Servis. Ne shqiptaret nuk e harrojme kurre Nishin, Toplicen, Luginen e Presheves me regjionin e Vranjes. Te gjitha ishin toka dhqiptare. Ende sit andej ka toponime shqiptare. Regjionini Pazarit te Ri (sanxhaku) ishte toke shqiotare. Aty sot shqiotaret jetojne nen presionin barbar te Servise.
Qyteti shqiptar Nish ne vitin 1878 iu fha padrejtesiht Servis. Ne shqiptaret nuk e harrojme kurre Nishin, Toplicen, Luginen e Presheves me regjionin e Vranjes. Te gjitha ishin toka dhqiptare. Ende sit andej ka toponime shqiptare. Regjionini Pazarit te Ri (sanxhaku) ishte toke shqiotare. Aty sot shqiotaret jetojne nen presionin barbar te Servise.