Te fundit
Albin Kurti i vendos kushte Greqisë
22 Gusht 2023, 10:21Rajoni
TEMA
Kryeministri i Kosovës, Albin Kurti ishte një nga të ftuarit e kryeministrit të Greqisë, Kyriakos Mitstotakis. Ai mori pjesë në darkën e shtruar nga homologu grek ku dhe tha se të gjitha shtetet që aspirojnë anëtarësimin në BE duhet t’i përmbahen dhe zbatojnë demokracinë, sundimin e ligjit, respektimin e të drejtave të njeriut dhe fqinjësinë e mirë.
Gjithashtu, kryeministri i Kosovës ka thenë se kusht për fqinjësi të mirë është njohja reciproke, de-jure e de-facto.
“Aty u diskutua rreth invazionit dhe agresionit të paprovokuar të Federatës Ruse mbi Ukrainën, me ç’rast u theksua mbështetja e palëkundur ndaj pavarësisë, sovranitet dhe integritetit territorial të Ukrainës, teksa u kërkua përgjegjësi dhe ndëshkim për krimet e kryera gjatë luftës dhe mizoritë tjera mbi civilët.
Në këtë darkë që korrespondon edhe me 20-vjetorin e Samitit të Selanikut nga ku ishte bërë e qartë perspektiva për anëtarësim të plotë të gjithë Ballkanit Perëndimor, u ritheksua mbështetja për zgjerimin dhe anëtarësimin në Bashkimin Evropian dhe rruga përpara. U diskutua edhe për çështjet rajonale.
Kurti theksoi se të gjitha shtetet që aspirojnë anëtarësim në Bashkimin Evropian duhet të i përmbahen dhe zbatojnë demokracinë, sundimin e ligjit, respektimin e të drejtave të njeriut dhe fqinjësinë e mirë.
E kusht për fqinjësinë e mirë është njohja reciproke, de-jure edhe de-facto. Minoritete do të ketë çdoherë, por kërkohet simetri dhe balancë në respektimin e minoriteteve bazuar në Konventën Kornizë për Mbrojtjen e Pakicave Kombëtare, theksoi Kryeministri”, thuhet nga Zyra e Kryeministrit.
Ndërkohë, burime për mediet bëjnë me dije se ditën e sotme Kurti do të zhvillojë një takim “kokë më kokë” me Mitstotakisin. Takimi me Kurtin është paralajmëruar të ndodhë në orën 10:45
Në darkën e shtruar në Athinë morën pjesë liderët e shteteve të Ballkanit Perëndimor, si dhe presidentja e Komisionit Evropian, Ursula von der Leyene, presidenti i Këshillit Evropian, Charles Michel, presidenti i Ukrainës, Volodymyr Zelensky, kryeministri i Kroacisë, Andrej Plenkoviq, ai i Rumanisë, Marcel Ciolacu, ai i Bullgarisë, Nikolai Denkov dhe presidentja e Moldavisë, Maia Sandu.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kurtit mjafton t'i shikosh xhaketën për të kuptuar çfarë katundari injorant që është. Ai është turpi i Kosovës dhe i kombit tonë.
More gazetaruc, ku e sheh ti qe Albin Kurti i paska vene kushte Greqise. Mjaft duke e paraqitur ate si gogol.