Te fundit
“Lëvizja e peshqirëve” në Greqi kërkon të rimarrë plazhet
7 Gusht 2023, 19:30Rajoni
TEMA
Një numër në rritje grekësh po dalin në rrugë për të kërkuar rikthimin e plazheve publike falas në vend, siç parashikohet në ligj.
Nga Eleni Stamatoukou
Një lëvizje protestë e nisur në ishullin grek të Rodosit është përhapur në veri të vendit me aktivistët e të ashtuquajturës “Lëvizja e peshqirëve” që protestojnë në Halkidiki për rikthimin e plazheve publike në Greqi.
Grekët janë gjithnjë e më të frustruar nga marrja në dorëzim e zonave të mëdha të vijës bregdetare nga bizneset private që kufizojnë në mënyrë të paligjshme aksesin në plazhe dhe shpesh paguajnë shuma të tepruara për qiranë e shezloneve.
Të dielën, banorët e Nikitit dhe Nea Potideas në Halkidiki brohoritën “bregdeti është i popullit” dhe “çdo plazh do të jetë i lirë”.
Duke caktuar një protestë të re, organizatorët deklaruan: “Ne kërkojmë të drejtat tona, mbrojmë hapësirat publike.”
Lëvizja e Peshqirëve filloi në qershor në ishullin Rodos. Ajo u përhap në ishullin Paros, ku banorët matën sipërfaqen e plazhit të zënë nga çadrat e dielli dhe dokumentuan zgjerimin e tij pavarësisht mungesës së lejeve në shumë raste. Naxos, Kreta dhe Atika pasuan.
Ligji grek nuk njeh plazhe private. Megjithatë, sipas një raporti nga televizioni publik i Greqisë, rreth 80 për qind e plazhit Falasarna të Kretës – i konsideruar si një nga më të bukurit në botë dhe pjesë e rrjetit të zonave të mbrojtura Natura 2000 – është rrethuar nga bizneset private që operojnë pa leje. Gjobat me të cilat përballen kapin afërsisht gjysmën e fitimeve të një dite, për të cilën kritikët thonë se është shumë e ulët për të vepruar si një pengesë.
Në maj, Gjykata e Lartë e Greqisë u dërgoi një memo prokurorëve duke përsëritur se mbetet e paligjshme bllokimi i aksesit në plazhet publike dhe se ata që shkelin rregullat duhet të sanksionohen.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Popull qe nuk duron padrejtesi,jo si ne do na q.. dhe grate e do themi faleminderit qe nuk na e bet neve
Shikoni ne Dhermi. Ne tere gjatesine e vijes se bregdetit te plazhit qe eshte mbi 1 km, plazhit publik i jane vetem 50 m, tjetren e kane klientet e Qeverise!
Ne i quajme greket popull bythqire thote nje miku im, kur ne fakt bythqiret jemi ne. Ne na bej cfare te duash nuk ngrihemi ndersa greket nuk te falin per te drejtat e tyre.
E njejta gje ndodh edhe ne Shqiperi Nuk ka me vende te lira Plazhi ne det fillon me te pakten 1000 leke ne ndonje cep te larget se me afer fillon me 2000 leke Kjo levizja e peshqireve duhet edhe ketu
po ne shqiptaret kur do protestojme ndonjehere se edhe ketu gjendja eshte beterr, plazhet i kane zaptuar privatet, per popullin e thjeshte nuk ka asgje. zgjohuni nga gjumi o vellezer, mos mendoni vetem per te braktisur vendin se spo ju pret njeri jashte.
Mir e kan . Afer jemi edhe ne nga zaptimi