Te fundit
Ministri Hoxha bisedë telefonike me homologun grek, në fokus marrëdhëniet mes dy vendeve
24 Mars 2026, 22:20Rajoni
TEMA
Ministri për Evropën dhe Punët e Jashtme, Ferit Hoxha përmes një postimi në “X” ka njoftuar se ka zhvilluar një bisedë telefonike me homologun e tij grek, George Gerapetritis. Hoxha ka ndarë detaje nga biseda e tyre teksa thekson se rikonfirmuan angazhimin e tyre për të avancuar marrëdhëniet shqiptaro-greke.
Ministri gjithashtu ka theksuar rëndësinë e mbështetjes së vazhdueshme të Greqisë për rrugëtimin e Shqipërisë drejt anëtarësimit në Bashkimin Evropian.
“Sot zhvillova një bisedë të parë telefonike, miqësore dhe të orientuar drejt së ardhmes, me Ministrin e Punëve të Jashtme të Republikës së Greqisë, z. George Gerapetritis.
Rikonfirmuam angazhimin tonë për të avancuar marrëdhëniet shqiptaro-greke në një frymë konstruktive, të mbështetur në partneritetin strategjik si aleatë në NATO dhe një perspektivë të përbashkët evropiane.
Ky shkëmbim ishte një mundësi e vlefshme për të shqyrtuar gjendjen aktuale të marrëdhënieve dhe për të identifikuar mënyra konkrete për forcimin e mëtejshëm të bashkëpunimit.
Ramë dakord mbi rëndësinë e një dialogu politik të qëndrueshëm dhe të orientuar drejt rezultateve, të bazuar në respekt të ndërsjellë dhe partneritet të sinqertë, për adresimin në mënyrë konstruktive dhe pragmatike të çështjeve dypalëshe, si dhe për avancimin e projekteve që nxisin marrëdhënie të mira fqinjësore, ndërlidhjen, kontaktet ndërmjet njerëzve dhe stabilitetin rajonal.
Theksova rëndësinë e mbështetjes së vazhdueshme të Greqisë për rrugëtimin e Shqipërisë drejt anëtarësimit në Bashkimin Evropian, një qëndrim që Ministri Gerapetritis e ka rikonfirmuar vazhdimisht dhe për të cilin shprehim mirënjohjen tonë.
Në përfundim, përcolla urimet e mia më të përzemërta me rastin e 205-vjetorit të Ditës Kombëtare të Greqisë”, shkruan ministri Hoxha.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ne fokus shtija e detit. te mallkuarit, shesin e coptojne shtetin e tyre.
Mardhëniet e Shqipërisë me shtetin fqinj Fredbejlers që shtrihet mbi trojet, shtëpitë dhe kostumet e shqiptarëve, zgjidhen vetëm në sheshin e luftës. Një shprehje e bukur e iluministëve që sajuan "Greqinë moderne" citon; I kemi hedhur themelet e Europës së Re, në një llucë që për mijëra vjeçarë ka përpirë dhe ka qenë varreza e çdo perandorie në histori
Çfarë po gatuan tju falësh tani plako?! Se detin ja fale që kur ishe me Sali kërmën?!
GEZUAR 25 MARSIN ,,DITEN E SHEN MARIS ,,VANGJELIZMO ,,UNGJILLIZIM ,,,GJITH ORTHODHOKSET KUDO ,,,