Ndeshja Kosovë – Izrael po zhvillohet nën masa të rrepta sigurie në Prishtinë

Kosova është duke u përballur me Izraelin këtë mbërmje në një ndeshje kualifikuese për Euro 2024 nën masa të rrepta sigurie në Prishtinë, e cila është e para për kombëtare izaelite prej se nisi lufta mes Izraelit dhe grupit radikal palestinez, Hamas, më 7 tetor.

Autoritetet kosovare i rritën masat e sigurisë prej kur futbollistët izraelitë mbërriën në Kosovë të premten dhe i shtoi ato në ditën e ndeshjes të dielën, duke bllokuar rrugët përreth stadiumit Fadil Vokrri dhe duke kryer kontrolle të rrepta për tifozët me bileta. Ajo njoftoi se do të ndalohet “çdo material promovues racist, ksenofobik, politik, fetar.”

Ndeshja ishte paparë të luhej më 15 tetor, por u shty për 12 nëntor pasi militantët e grupit radikal i sulmuan qytetet e Izraelit jugor, duke i vrarë rreth 1.200 njerëz dhe duke i rrëmbyer mbi 240 të tjerë. Ky sulm nxiti luftë dhe bombardime të pareshtura hakmarrëse të Izraelit në Rripin e Gazës.

Një numër shumë i vogël i tifozëve shkuan në Stadiumin Fadil Vokrri, i cili zë 14 mijë tifozë, për ta parë këtë ndeshje, që është e pazakontë duke e ditur përkrahjen që ekipi kombëtar dardan gëzon kur luan në shtëpi.

Por, forma e dobët e kombëtares dhe moti i keq, si dhe rrethanat në të cilat u zhvillua ajo mund të kenë ndikuar.

Disa orë para ndeshjes, një slogan i madh me mbishkrimin “Free Palestine”, apo në shqip “Liri për Palestinën”, u vendos në ndërtesën e Hotelit Grand në qendër të qytetit pranë një flamuri ukrainas nga grupi aktivist Kolektivi për Mendim dhe Veprim Feminist - por u hoq shpejt.

Disa ditë para kësaj ndeshjeje, një grup pro-palestinez kishte kërkuar leje për protestë paqësore në ditën e ndeshjes, por Policia e hodhi poshtë kërkesën e tyre për shkaqe sigurie.

Të shtunën, Policia e Kosovës njoftoi se i ka shtuar masat e sigurisë dhe se i ka ndaluar materialet me përmbajtje fetare dhe politike përreth dhe pranë stadiumit në Prishtinë.

Trajneri dhe kapiteni i Izraelit thanë të shtunën se ekipi kombëtar i Izraelit ndihet i "sigurt dhe i rehatshëm" në Kosovë.

Rrugëtimi i një kinezi përmes Ballkanit për në BE

21:10 Rajoni

Greqi/ Përçahet partia më e madhe opozitare Syriza

17:20 Rajoni 6 komente

Vuçiç: Kosova është pjesë e Serbisë, ka qenë dhe do të jetë

14:10 Rajoni 19 komente

Gjendet i pajetë një emigrant i paligjshëm në kufi me Greqinë

09:15 Rajoni

Shkrimet lidhur me 2 xhami në Viti, kërcënohen me vdekje dy gazetarë në Kosovë

21:50 Rajoni 16 komente

Analistët për ngjashmëritë dhe dallimet mes ndikimit rus dhe kinez në Ballkan

20:50 Rajoni

Kurti: Grupet terroriste serbe duan t’i ngjajnë Wagnerit

15:27 Rajoni

Kurti: Vendet fqinje s’janë të sigurta nga Serbia për aq kohë sa nuk janë pjesë e BE-së

13:42 Rajoni 1 koment

Albin Kurti e pranon se Serbia e njeh Kosovën de facto në shumë aspekte

12:16 Rajoni 1 koment

“Nuk do të ketë kompetenca ekzekutive”, SHBA: Nuk ka kohë për të humbur, bëjeni asociacionin

19:20 Rajoni 1 koment