Te fundit
Oligarku ukrainas i sanksionuar nga SHBA-ja merr shtetësi maqedonase
11 Nëntor 2022, 21:00Rajoni
TEMA
Oligarku ukrainas, Oleksandr Onyshenko, i cili është arratisur nga drejtësia në Ukrainë dhe është i sanksionuar nga SHBA-ja, ka marrë shtetësinë e Maqedonisë së Veriut.
Ai ishte futur në listën e sanksioneve SHBA-së më 31 maj të vitit 2021, për shkak se ishte pjesë e një rrjeti rus që ndërhyri në zgjedhjet amerikane. Ai po ashtu ka edhe shtetësi ruse, shkruan REL.
Kjo u bë e ditur të premten, më 11 nëntor, nga deputeti i VMRO DPMNE-së, Antonio Misllososki dhe Rrjeti ballkanik për gazetari hulumtuese, BIRN.
“Jo vetëm narko-mafiozët e njohur Sedat Peker dhe Jovan Vukotiç kanë marrë shtetësi maqedonase. Lista e atyre që kanë paguar ‘taksa më të shtrenjta’ tek Oliveri (Oliver Spasovski, ministri i Punëve të Brendshme) është më e gjatë. Politikani i arratisur ukrainas nën sanksione amerikane, merr shtetësi maqedonase”, ka shkruar Milloshkoski në Facebook.
Sipas të dhënave të Qeverisë, Onyshenko kërkesën për shtetësi maqedonase e ka paraqitur në vitin 2021, me propozim Federatës së Sporteve me Kuaj, ndërsa mendim pozitiv kanë dhënë Agjencia për Rini dhe Sport, por edhe Agjencia e Sigurisë Kombëtare (ANB).
Në mbledhjen e qeverisë, më 31 maj, vendimi për dhënien e pëlqimit për shtetësi është bazuar në “dosjen e pastër”.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Maqedonia dhe Ukraina jane shume me afer edhe pse kilometra larg, me larg nga Shqiperia e Kosovo(*Fusha e sorrave, me duket, ne Serbisht). = Kur ata qe flain shqip dhe jane turkeli po bombardoheshin nga helikoptere , pak e dine qe ata ishin helikoptere ushtarake UKrainas. Kurse, Idjoti i dobishem, si Kryeminister dhe Lali i Pemeve, jo barit, shkuan ne Ukraine sikur te ishin Biden apo Merkel. Se jane budallenj, Austriaku, Danezi apo Hollandezi...etj.. = Kohet e fundit Ukraina, perseri i premtoi Serbise qe nuk do ta njoh Koqoven shqipfolese.
Po Amerika, a nuk po shef se shtetarët sllavë, në fakt zotërinjtë hegjemonistë, janë RUSOSHOVENOFILË. Po, po, na gjuanin helikopterët e së atëhershmes Rusoukrainase dhe deputeti ukrainas, mysafir në Kuvendin e Dardanisë, shprehu miqësinë ndaj nesh shqiptarëve dhe druajtjen se duhej shembur mentaliteti ortodoks brenda disa politikanëve ukrainasë. Mirëpo, ukrainasit luftojnë edhe për mua, edhe për ty, edhe për gjithë Evropën.