Te fundit
Prokuroria e Hagës kërkon 45 vite burg për ish-komandantët e UÇK-së, Bosch: Absurde, nuk ka prova për dënimin e Thaçit dhe të tjerët
15 Shkurt 2026, 15:13Rajoni
TEMA
Ish-ambasadori i Holandës në Kosovë, Robert Bosch në një intervistë të zhvilluar së fundmi e ka cilësuar si absurde kërkesën e Prokurorisë për dënim me burgim nga 45 vjet për 4 ish-krerët eUshtrisë Çlirimtare të Kosovës.
Në një intervistë për KosovaPress, ai tha se nuk ka prova që argumentojnë pretendimet e ZPS-së për krime lufte ndaj Hashim Thaçit, Kadri Veselit, Rexhep Selimit e Jakup Krasniqit. Bosch thekson që pret nga trupi gjykues të shpallë të pafajshëm dhe t’i lirojë në mungesë provash.
“Kjo është absurde sepse është e barabartë me dënim të përjetshëm. Nëse qëndrojnë 45 vite brenda, ata nuk mbijetojnë dot, do të vdesin në burg. Pra është dënim i përjetshëm. Siç e thashë, është një kërkesë absurde. Por është absurde edhe sepse ka shumë pak prova. Është edhe më e çuditshme të kërkosh diçka të tillë kur ka pak prova.
Edhe nëse UÇK-ja do të ishte organizatë kriminale dhe Thaçi do të ishte kreu e do të jepte udhëzime – gjë që është provuar se nuk është e vërtetë – përsëri 45 vite është shumë. Sidoqoftë, unë duhet t’u besoj gjykatësve. Ajo që i frikësohem është se, nëse gjykatësit e bëjnë punën e tyre siç duhet (i lirojnë), prokuroria mund të apelojë kundër lirimit, që do të thotë se procesi do të vazhdojë edhe për vite e vite të tëra”, thekson ish-ambasadori i Holandës në Kosovë.
Trupi gjykues i cili udhëhiqet nga gjyqtari Çarls Smith, sipas diplomatit holandez, duhet të jetë neutral në vendimin ndaj të akuzuarve.
“Gjykatësit duhet të jenë neutralë. Ata nuk janë e njëjta gjë me prokurorinë. Ndaj shpresoj dhe duhet të besoj se gjykatësit janë vërtet objektivë. Mendoj se nëse janë objektivë, do të thonë se prokuroria ka një rast shumë të dobët. Sipas mendimit tim, ata do ta hedhin poshtë të gjithë çështjen duke thënë:
“Dëgjoni, është një rast shumë i dobët” dhe pastaj ose i lironi për mungesë provash të forta, ose thoni se nuk kanë të bëjnë fare me këtë. Do të habitesha dhe mendoj se gjykata do ta komprometonte veten… dua të them gjykatësit, natyrisht nuk duhet të ushtroj presion mbi ta, por unë besoj se janë njerëz të ndershëm. Në atë rast, bazuar në atë që kam parë, ata nuk mund t’i dënojnë këta njerëz. Nuk mundet. Do të ishte shumë e çuditshme nëse do të shkonin pas prokurorisë”, shton ai për KosovaPress.
Sa i përket protestës më 17 shkurt në mbrojtje të ish-krerëve të UÇK-së, Bosch theksoi se kjo është e nevojshme, pasi Kosova po fyhet me pretendimet se Ushtria Çlirimtare e Kosovës është kriminale.
“Protestat janë perfekte për sa kohë nuk janë të dhunshme. Nuk më pëlqejnë protestat e dhunshme si ajo që patët në Tiranë javën e kaluar, por protestat janë në rregull. Në këtë rast ka vend për protestë, sepse ta quash UÇK-në organizatë kriminale është fyerje për vendin tuaj. Është fyerje”, theksoi Bosch.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Europa ishte ajo qe krijoi kurthin per dergimin e krereve te UCK ne gjykaden e Hages, fillimisht duke ngritur akuzat per transplatim organesh, nepermjet eurodeputetit pro rus Dik Marti, te cilat ishin nje sajese e agjenturave serbe. Kurkjo alternative deshtoi, pasi ishte qesharake dhe e pabaze, kaluan ne variantin tjeter te perfshirjes se krereve te UCK- se ne vrasje te serbeve dhe shqiptareve te perfshire ne veprimtari kunder Kosoves ( bashkepunetore te sherbimeve serbe.. Kjo e shoqeruar me bisedimet per stabilizimin e maredhenieve Serbi - Kosove, ku ne axhenden e sajuar nga ata nuk perfshiheshin kerkesa per njohjen nga Serbia te genocidit dhe vrasjet nga regjimi serb. Me keto veprime kerkojne qe ta paraqesin luften per liri te popullit shqiptar ne Kosove te paligjshme , nderkohe qe Serbia ne vazhdimesi ka ushtruar dhune dhe poshterim mbi qytetaret shqiptare ne Kosove duke kolonizuar ne vazhdimesi trojet shiptare. Megjithese vone, duhet me te gjitha mundesite te mbrohen krerete UCK, sidomos nga qeveria shqiptare dhe ajo kosovare. Te paraqitet dhunuesi si viktime dhe viktima si dhunues, kjo nuk eshte drejtesi por diktat. Kosova ne rrezik. O sot o kurre.
O emigrant po kujt i thua kosovarëve (tru shpëlarë),albin kurtit Donika schwarz,dimal bashës,sadri ramabojës,të gjithë në komandë të jaçe islamit.Nuk bëhet edhe shumë ,shumë kohë…..