Te fundit
Shtetet e QUINT-it dhe NATO nuk e mbështesin, Kurti “ngul këmbë” për urën e Ibrit në Mitrovicë: Duhet të hapet
2 Gusht 2024, 12:49Rajoni
TEMA
Kryeministri i Kosovës, Albin Kurti, ka ngulur këmbë në hapjen e urës së Ibrit në Mitrovicë, me gjithë kundërshtimin e vendeve të QUINT-it.
Gjatë një takimi të premten në Prishtinë, Kurti ua paraqiti përfaqësuesve diplomatikë të shteteve të QUINT-it dhe BE-së planin e Qeverisë për hapjen e urës së Mitrovicës mbi lumin Ibër, njoftoi Zyra e tij në një komunikatë për media.
“Andaj ura duhet të hapet. Ajo është në shërbim të të gjithëve, dhe nuk është kundër askujt. Liria e lëvizjes dhe sundimi i ligjit nuk e rrezikojnë paqen dhe sigurinë, përkundrazi”, thuhet në njoftim.
Më herët të premten, ambasadori amerikan në Prishtinë, Jeffrey Hovenier, tha pas takimit me Kurtin se vendet e QUINT-it dhe NATO-ja nuk e mbështesin hapjen e urës së Ibrit në Mitrovicë në këtë kohë.
Në QUINT bëjnë pjesë Shtetet e Bashkuara, Mbretëria e Bashkuar, Gjermania, Franca dhe Italia.
Sipas njoftimit, plani i Qeverisë së Kurtit parasheh “testimet për stabilitetin infrastrukturor të urës, vlerësimin e rrezikut dhe rreziqeve nga fatkeqësitë natyrore, rivitalizimin vizual të urës me qasje në urë për të gjithë, diskutimet me qytetarë dhe grupe të interesit si dhe fushatën e informimit gjithëpërfshirës mbi përfitimet dhe qëllimet e hapjes së urës”.
Lista Serbe partia kryesore e serbëve në Kosovë, e cila gëzon mbështetjen e Beogradit, u shpreh më herët kundër hapjes së urës mbi Ibër.
Sipas saj, një veprim i tillë synon “destabilizimin e mëtejshëm të situatës në terren”.
Ura, aktualisht, është e hapur vetëm për këmbësorë, ndonëse, në kuadër të dialogut, është rënë dakord që të hapet edhe për trafik.
Në urën mbi Ibër patrullojnë ushtarët italianë të KFOR-it, misionit të NATO-s në Kosovë, ndërsa afër janë edhe pjesëtarët e Policisë së Kosovës.
Bashkimi Evropian, ndërkohë, ka thënë se çështja e hapjes së urës së Ibrit duhet të jetë temë e dialogut me Serbinë.
Kjo është kundërshtuar nga presidentja e Kosovës, Vjosa Osmani, e cila deklaroi të enjten se “një gjë e tillë do të ishte shkelje e rëndë e sovranitetit, integritetit territorial dhe e kushtetutshmërisë në vendin tonë”.
Në kuadër të dialogut Kosovë-Serbi, palët janë pajtuar që ura të hapet për qarkullim, por kjo nuk është realizuar kurrë në praktikë. Është hapur vetëm njëra anë e saj për këmbësorë.
Diskutimet për urën janë aktualizuar në muajt e fundit, pas thirrjeve në Kuvendin Komunal të Mitrovicës së Veriut që ura të hapet tërësisht për qarkullim.
Këtë komunë në veri të Kosovës e udhëheq Erden Atiç nga partia në pushtet, Lëvizja Vetëvendosje.
Ura kryesore mbi lumin Ibër që nga viti 1999 e ndan Mitrovicën në pjesën jugore, të banuar me shumicë shqiptare, dhe në pjesën veriore, të banuar me shumicë serbe.
Shqiptarët në Mitrovicë të Jugut dhe serbët në Mitrovicë të Veriut me të cilët ka biseduar më parë Radio Evropa e Lirë janë të ndarë nëse ura duhet të hapet.
Për shqiptarët, hapja e urës do të ishte “gjë e mençur”, ndërsa për serbët vendim që rrit tensionet./REL
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ura e Ibrit- kufiri midis Shqiperise dhe Serbise.
Kjo hale njehere vetem gjuhen e sanksioneve.
Kurti ka te drejte. Ura duhet hapur sepse eshte nje pengese per tanket e Kosoves qe do sulmojne Serbine. Kfori dhe forcat e NATO duhet tja lene ne dore ruajtjen e qetesise ne kete ure, FA te Kosoves qe Kurti i ka modernizuar me tanke moderne. Ne te vertete NATO duhet te terhiqet plotesisht nga Kosova qe e celnikosur pavaresine e saj nen udheheqjen e te madhit Alpin. Me kote flasin llapaqenet spiune te dushmanit se Kurti ben politiken e Vuciqit. Vjosa e shkrete nuk eshte me Kurtin, por Kurti ka mbeshtetje me te madhe popullore ne Serbi dhe ne Kosove, keshtuqe ajo e ka te veshtire. Lufta midis Kurtit dhe Vuciqit ne nje ane dhe NATOs, Quintes, Amerikes dhe Evropes nga ana tjeter ka marre permasa inteligjente, ku Kurti dallohet si nje punonjes i shkelqyer ne keto sherbime. Pune te ngaterruara per nje trap si puna ime!
Dekord jemi me ty o Trapi, por ndroje emrin se e ka zene Kurti ate tendin!
Me kete trap Kosova po i kthen ne kundershtare te gjithe aleatet qe ndihmuan per pavarsine e saj