Te fundit
Vijon kriza politike në Kosovë - Dështon edhe përpjekja e 46-të për konstituimin e Kuvendit
13 Korrik 2025, 11:45Rajoni
TEMA
Kuvendi i Kosovës nuk është konsituuar as të dielën e 13 korrikut, dhe kështu deputetët kanë shënuar herën e 46-të që mblidhen, akuzojnë njëri-tjetrin dhe nuk e finalizojnë procesin.
Pavarësisht që deputetët e secilës parti insistojë në rëndësinë e formimit të institucioneve të reja, ato prapëseprapë nuk lëkunden nga qëndrimet e kundërta që kanë.
Në seancën e 13 korrikut kanë marrë pjesë 82 deputetë.
Partia Demokratike e Kosovës (PDK), Lidhja Demokratike e Kosovës (LDK), Aleanca për Ardhmërinë e Kosovës (AAK) dhe Lista Serbe – partia më e madhe e serbëve në Kosovë – nuk pranojnë të propozojnë nga një kandidat për formim të një komisioni për votim të fshehtë, me arsyetimin se mënyra e ndryshimit të votimit është jokushtetuese.
Lëvizja Vetëvendosje – fituese e më së shumti votave në zgjedhjet e 9 shkurtit – kërkon që për Albulena Haxhiun – të propozuar për kryeparlamentare – të votohet vetëm një herë përmes votimit të fshehtë dhe nëse nuk i siguron 61 votat e nevojshme, ajo do të tërhiqet nga gara.
Ajo nuk i ka siguruar votat e nevojshme në disa seanca radhazi që janë mbajtur me votim të hapur. Për disa parti, ajo është figurë përçarëse dhe e papranueshme.
Palët vazhdojnë të mos gjejnë një kompromis ndonëse ec afati i përcaktuar nga Gjykata Kushtetuese për konstitutim të Kuvendit.
Ndonëse gjykata e ka përcaktuar 26 korrikun si afat të fundit për konstituim, ajo nuk ka ofruar më shumë hollësi se çfarë ndodh tutje nëse partitë nuk merren vesh deri atëherë.
Presidentja e Kosovës, Vjosa Osmani është takuar me përfaqësuesit e partive politike ditë më parë, me shpresën e gjetjes së një zgjidhjeje, mirëpo situata nuk ka ndryshuar.
Ajo e ka përmendur edhe mundësinë që t’i drejtohet Gjykatës Kushtetuese për sqarime shtesë.
Pjesëtarë të shoqërisë civile kanë protestuar disa herë para ndërtesës së Kuvendit duke i thirrur deputetët në përgjegjësi./REL
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
KESHTU NDODH KUR I JEP VOTEN DASHNORIT TE SERBISE DHE KUNDERSHTARIT ME TE MADH. TE PAVARESISE SE KOSOVE. , ALBINDENOVIC DHE OSMANOVIC
Çdo dite qe po kalon spikeri i qenefit te quajtur vetvendosje avni dehari po humb respektin tek shqiptaret,menyra se si drejton kuvendin eshte nje turp me te cilin po njollos edhe dy djemt e vet per te cilet dikur shqiptaret kishin dhimbje per te si prind tash ka humbur plotesisht respektin te shqiptaret, sjellja e tij eshte sa fyese aq edhe poshteruese saqe mua ma kujton kohen e rrahman morines qe zbatonte urdherat e millosheviqit ky tash sikur zbaton urdherat e zedhensit ta sheshelit i quajtur albin kurti.
Tito ka thene: Une ja u jap shtetin Kosovareve, por ata s dijne ta mbajne. Dhe doli qe kishte te drejte