Te fundit
Vjosa Osmani: Kuvendi dhe qeveria duhet të formohen sa më shpejt
29 Gusht 2025, 13:04Rajoni
TEMA
Presidentja e Kosovës, Vjosa Osmani, e ka konsideruar urgjente konstituimin e Kuvendit të Kosovës si dhe formimin e qeverisë së re, pas zgjedhjeve parlamentare të 9 shkurtit. Ajo kërkoi që të gjendet një zgjidhje në përputhje me Kushtetutën për konstituimin e legjislativit.
Osmani tha se çdo ditë e humbur në mosformim të institucioneve të reja është në dëm të popullit dhe perspektivës euro-atlantike, derisa u shpreh më e rezervuar të komentojë aspektet kushtetuese të zgjedhjes së nënkryetarit nga radhët e komuniteteve jo shumicë.
“Kuvendi të konstituohet urgjentisht, e qeveria po ashtu të formohet urgjentisht. Çdo ditë e humbur është ditë e humbur për Kosovën, për popullin e saj dhe për perspektivën tonë euroatlantike.
Shpresoj që të gjendet një zgjidhje në përputhje me Kushtetutën sa më parë që të jetë e mundur... S’po dua të jap interpretime kushtetuese në këtë situatë”, tha ajo, pas homazheve që bëri bashkë me Kryeministrin në detyrë, Kurti, te Monumenti i Personave të Zhdukur, në shënim të Ditës Ndërkombëtare të të Zhdukurve me Dhunë.
Kosova s’ka themeluar institucionet e reja edhe pas gjashtë muajsh nga zgjedhjet parlamentare të 9 shkurtit. Deputetët të martën kanë zgjedhur kryetarin e Kuvendit si dhe katër nënkryetarë, mirëpo tashmë bllokada është zhvendosur te zgjedhja e nënkryetarit të Kuvendit nga radhët e komunitetit serb.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vjosa Osmani duhet te thote se Kuvendi nuk duhet te formohet, siq po shkojne punet! Me nje kryetar te zgjedhur klysh serb nga sekti i VV, Kuvendi i ri do ta varrose ma shpejt Pavaresine e fituar nga UCK me mbeshtetjen decizive nga Amerika dhe Anglia. Sa per Qeverine e Kurtit, ajo asht inegzistente prej fillimit te vitit. Po duket se edhe BE po e bojkoton perseri Kosoven me nje Qeveri Kurti. Ka zera ne BE qi thojn se asht kot me fol me Kurtin, ma mir me fol me Vucic se ai e perfaqeso mire edhe Albinin.
Mire se i iu kujtua qe duhet te kene qeveri
Sa pushime te gjata kete vit !!!!!
Jazek atyre qe votuan per Kryetar Kuvendi nje qelbesire filoserb, perfshire presidenten kukull te Kosoves.