Te fundit
Zbardhet plani 9 pikësh franko-gjerman, s’ka njohje por kufiri me dy shteteve nuk preket
9 Nëntor 2022, 15:38Rajoni
TEMA
Rrjeti europian mediatik Euroactiv ka publikuar draftin e propozimit frank-gjerman për Kosovën dhe Serbinë.
Propozimi 9 pikësh, parasheh rregullimin e modaliteteve të përgjithshme pa u lëshuar në detaje ndërmjet dy shteteve. Nuk e parasheh njohjen e Kosovës nga Serbia, por i obligon palët të përmbahen nga një sërë çështjesh tjera, përfshirë edhe përmbajtjen nga sulmi dhe mos prekja e kufirit.
Dokumenti tashmë u është dorëzuar Prishtinës dhe Beogradit, qeveritë e të cilave kanë dërguar propozimet dhe komentet e tyre në Bruksel. Publikisht deri më tani, kryeministri Kurti dhe kryeparlamentari Konjufca e kanë konfirmuar prezencën e tij dhe dakordimin e Kosovës “se është një plan i mirë i mbështetur në vlera” ndërkohë që Beogradi nuk është deklaruar ende.
Gazeta 10 po e publikon të plotë, dhe pa ndërhyrjen draftin e botuar të PLANIT FRANKO-GJERMAN nga Eurocativ.
Neni 1
Kosova dhe Serbia do të zhvillojnë marrëdhënie normale, të fqinjësisë së mirë me njëra-tjetrën bazuar në të drejta të barabarta.
Neni 2
Kosova dhe Serbia do të udhëhiqen nga aspiratat e tyre reciproke për anëtarësim në BE.
Neni 3
Në përputhje me MSA-në [Marrëveshjet e Stabilizim Asociimit] të nënshkruara nga të dyja palët, Kosova dhe Serbia do të zgjidhin çdo mosmarrëveshje ndërmjet vete gjatë asaj kohe ekskluzivisht me mjete paqësore dhe do të përmbahen nga kërcënimi ose përdorimi i forcës. Ato riafirmojnë paprekshmërinë tani dhe në të ardhmen e kufirit/kufirit që ekziston mes tyre dhe marrin përsipër të respektojnë plotësisht integritetin territorial të njëri-tjetrit.
Neni 4
Kosova dhe Serbia vazhdojnë me supozimin se asnjëra nga dy palët nuk mund të përfaqësojë tjetrën në sferën ndërkombëtare dhe as të veprojë në emër të saj.
Neni 5
Kosova dhe Serbia do të promovojnë marrëdhënie paqësore në Ballkanin Perëndimor dhe do të kontribuojnë në sigurinë dhe bashkëpunimin rajonal në Evropë.
Neni 6
Kosova dhe Serbia vazhdojnë me respektimin reciprok të juridiksionit të secilës palë.
Neni 7
Kosova dhe Serbia deklarojnë gatishmërinë e tyre për të rregulluar çështjet praktike dhe humanitare në procesin e normalizimit të marrëdhënieve të tyre. Ato do të lidhin marrëveshje me synimin për të zhvilluar dhe promovuar në bazë të këtij Traktati dhe për përfitimin e tyre të ndërsjellë bashkëpunimin në fushën e ekonomisë, shkencës dhe teknologjisë, transportit, marrëdhënieve gjyqësore, postave dhe telekomunikacionit, shëndetësisë, kulturës, sportit, mjedisit. mbrojtjes dhe në fusha të tjera. Detajet janë rënë dakord në Protokollin Suplementar.
Neni 8
Kosova dhe Serbia do të shkëmbejnë Misionet e Përhershme. Ato do të vendosen në selinë e Qeverisë përkatëse.Çështjet praktike në lidhje me themelimin e Misioneve do të trajtohen veçmas.
Neni 9
Kosova dhe Serbia pajtohen që ky Traktat nuk do të ndikojë në traktatet dhe marrëveshjet ndërkombëtare dypalëshe dhe shumëpalëshe të lidhura tashmë prej tyre ose që kanë të bëjnë me to.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Jam i befasuar qe Kurti mirepret kete plan. Ne shqip ketij plani mund ti thuash jo Ali Hoxha, por Hoxha Ali ne lidhje me pretendimet serbe se ata nuk do e njohin Kosoven si shtet. Me cudit fakti qe Kurti nuk merret me kete plan por me cikerrima sic eshte edhe ceshtja e targave. Me 'kokefortesine" e tij Kurti duket sikur po i ben mutin ketij plani. Kur Kurti i dyshimte e mesoi kete plan ai duhej te ishte bindur se ne kete plan perfshihet edhe ceshtja e targave, ku ne parim flitet se si do zgjidhen probleme te tilla. Plani eshte aq pozitiv per Kosoven sa shprehja e Albinit se marredheniet e Kosoves me Ameriken nuk jane si marredheniet e nipit me gjyshin, tingellon si veper armiqesore e tij. Ne kete kontekst nuk ka qendrim me armiqesor se ky ndaj Amerikes dhe Evropes. Ne fund dua te theksoj se Kurti ka bere shume mire qe ka dhene miratimin pa pritur Serbine, qe tregon se midis "urdherit" amerikano-evropian dhe strategjise ruso- serbe, Albini zgjodhi per here te pare anen e duhur. Shpresoj se thenia e Daciq qe Kurti ka qene frikacak dhe ne burg u be spiun, tregon se Kurti u ka dale nga duart. Eshte si eshte e verteta, Kurti mund te mohoje kete gje dhe si "mjeshter" i manipulimit mund ti kundervihet Serbise qe te nxjerre dokumentat(njelloj si Sali Berisha qe i kerkon Amerikes) Serbia do jete ne pozite te veshtire, sepse Kurti fare mire mund te thote qe keto dokumenta jane fallco...etj...etj...Pershendes kete qendrim te Kurtit qe midis kudhres Ameriokano-evropiane dhe kudhres serbe zgjodhi kudhren perendimore. Kjo eshte me e lehte edhe per Kurtin qe te vazhdoje me politiken e tij hipokrite....
Po ca prisje ti vella....a ishin francezet ne tave VK plan! Qeka edhe me dobet se ai Ballkani i Shklym!
O trap ha ndonje pace me pilaf dhe kullot lopet u bere dhe analist
NIKO, ia ....trapin - Trapit! Të jesh i zgjuar na qenka mëkat, sipas rashtës tënde të qelbur...
nuk lexoj (mos e kam gabim) kund se si do rikujtohen shqiptarët - viktimat e shovenizmit serb ( e luftës, gjenocidit, flakur nëpër zgafellat e minierave dhe si plehër lulesh, nëpër poligonet e ushtrisë !!!!! I bie erë e faljes së krimeve kundërvlera 9 pika
Ky plan, deri tani te con tek Autonomia e Zgjeruar. I ble qe Kosova pavaresine e plote, mund ta fitoje ne shekullin e 23, ose hic. Kurti ka te drejte qe kundershton, por nuk duhet me dale kunder Amerikes. Po shqiptaret e Presheves, Sanxhakut, ku e kane Asosacionin e Komunave Shqiptare. Vucic, nuk ka asnje ndryshim me Milloshevicin.