Ekspertët japin alarmin: Gripi i shpendëve po bëhet i transmetueshëm tek njerëzit

13 Shkurt 2023, 19:39Shëndeti TEMA

Ekspertët japin alarmin: Gripi i shpendëve po bëhet i

Ndërsa bota sapo ka filluar të marrë veten nga shkatërrimi i pandemisë së COVID-19, ajo po përballet me mundësinë e një pandemie të re, të një patogjeni shumë herë më fatal.

Gripi i shpendëve, sipas shkencëtarëve, prej kohësh ka qenë dhe vazhdon të jetë në horizont. Ky patogjen, e sidomos varianti H5N1, nuk i ka prekur shpesh njerëzit, por në rastet kur i ka infektuar, 56 për qind e rasteve kanë rezultuar me vdekje.

Paaftësia e tij për t’u përhapur lehtshëm nga njëri person tek tjetri ka bërë që të shmanget pandemia. Por gjërat po ndryshojnë. Virusi, që ka shkaktuar shpesh herë pandemi mes shpendëve, po infekton gjithnjë e më shumë zogjtë migratorë, që mundësojnë kështu përhapjen më të gjerë të tij dhe rrezikojnë që të prekë më shumë njerëzit.

Së fundmi është raportuar se një variant i ndryshuar i H5N1-shit po infekton jo vetëm vizonët në një fermë gëzofësh në Spanjë, por edhe po përhapet mes tyre, në mënyrë të paprecedentë mes gjitarëve.

Por gjërat mund të përkeqësohen, pasi aparati i sipërm i frymëmarrjes së vizonëve përshtatet fare mirë për të vepruar si përçues tek njerëzit.

Rrjedhimisht, bota duhet të veprojë tani përpara se H5N1-shi të kthehet në një pandemi shkatërruese, rekomandojnë ekspertët.

1 Komente

  1. B
    Baliu

    Do te ket epizoda te reja nga 'gripi i shpendeve' dhe 'gripi i derrave'?!!! Sikur Covid ka lene nje vakum te padurueshem!!!

    Lini një Përgjigje